প্রো বোনো লিগেল সর্ভিস

ভারত্তা ফ্রি লিগেল এইদ অমসুং সর্ভিস হায়বসি লৈবাক অসি শিনবা থুংনা লৈরিবা নেসনেল লিগেল সর্ভিসেস ওথোরিটি অমসুং ষ্টেট লিগেল এইদ সর্ভিসেস ওথোরিটিশীংগী মরুওইবা য়াথং (mandate) অমনি। অদুম ওইনমক, লিগেল কম্যুনিটিদগী অর্থ থোকপা কন্ত্রিব্যুসনগা লোয়নবা  মীয়াম্না মথৌ তারিবা লিগেলগী মথৌ তাবশীংদি নোংমা-নোংমগী হেনগৎলক্লি।

প্রো বোনো লিগেল সর্ভিস

কন্সেপ্ট অমা ওইনা প্রো বোনো লিগেল সর্ভিস অসিদি লৈবাক অসিদা শাফু য়াম্না লৈতে অমসুং ইনষ্টিট্যুসনগী ওইবা ষ্ট্রকচর অমা লৈতবা এদ হোক অমদি মীওই মশা মশাগী অইবা প্রেক্টিস অমা ওইদুনা লৈরি।

প্রো বোনো হায়বসি “মীয়ামগী য়াইফনবগীদমক” হায়বা অর্থ পীরিবা লেটিনগী ৱাহৈ “প্রো বোনো পব্লিকো” হায়বসিদগী লাকপনি। উকিল কয়ানা লায়রবা অমসুং শোত্থরবা ক্লাইএন্টশীংদা প্রোফেসনেল ফি অমত্তা লৌদনা কান্নরবা আইনগী পাউতাক অমসুং সপোর্ট পীরি। লাইবক থীবদি, মসিগী পুক্নিং থৌগৎনিঙাই ওইরবা পব্লিক সর্ভিসকী চৎনবী অসিগী ফংফম থোকপা রিকগনিসন অদুদি ফংদে। লৈবাক কয়াদদি প্রো বোনো লিগেল সপোর্ট অসি লায়রবা অমসুং তোল্ল-তারবা ক্লাইএন্টশীংদা ফ্রি রিপ্রেজেন্টেসন পীনবগী মরুওইবা পাম্বৈ অমা ওইরি।

ভারত সংবিধানগী আর্টিকল 39 Aনা ষ্টেটশীংদা, সমাজ অসিগী লায়রবা অমসুং শোত্থরবা মীওই কাংলুপশীংদা আইনগী মতেং লেম্না পীনবা, মান্নবা খুদোংচাবদা য়ুম্ফম ওইদুনা অচুম্বা ৱায়েন প্রোমোট তৌনবা খংহল্লি। মখা তানা, সংবিধানগী আর্টিকল 14 অমসুং 22 (2)না আইনগী মীৎয়েংদা মীপুম খুদিংবু মান্ননা য়েংনবা খংহল্লি। অমদি, য়ুনাইটেদ নেসন্স সষ্টেনেবল দিভেলপমেন্ট – গোল 16 না “মীপুম খুদিংমক্না অচুম্বা ৱায়েন ফংনবগী মান্নবা খুদোংচাবা পীবা” হায়বসি তঙাইফদনা তৌদবা য়াদবনি হায়না খংহল্লি। অসিগুম্বা তঙাইফদনা তৌদবা য়াদবশীং অসি ইন্দুনা অমদি প্রো বোনো লিগেল সর্ভিসেসবু পুক্নিং থৌগৎনবগী মীৎয়েংদা দিপার্টমেন্ট ওফ জষ্টিস (DoJ)না, দি লিগেল সর্ভিসেস ওথোরিটি এক্ট, 1987গী সেক্সন 12গী মখাদা মশক খংদোক্লবা লিটিগেন্টশীংদা (litigants) মখোয়গী সর্ভিসশীং পীবা পাম্বা উকিলশীংগী দেটাবেজ অমা শেম্নবা পান্দম থম্লি।

পান্দমশীং

1. উকিলশীং অমসুং লিগেল প্রোফেসনেলশীংবু প্রো বোনো লিগেল সর্ভিসশীং পীনবা পুক্নিং থৌগৎপা।
2. উকিলশীং অমসুং লিগেল প্রোফেসনেলশীংনা পীরিবা প্রো বোনো লিগেল ৱার্কপু মশক খংবা।
3. মরি লৈনবা হিরমদা চুনবা পোজিসনশীংগীদমক উকিলশীংগী মরুওইবা ইনফোর্মেসন য়াউরবা দেটাবেজ অমা শেম্বা।

স্কোপ

দেটাবেজ শেম্বনা দিপার্টমেন্ট ওফ জষ্টিসপু প্রো বোনো সর্ভিস পীরিবা উকিলশীংবু মশক খংদোকপদা মতেং পাংগনি। ইনফোর্মেসন অদু DoJনা দি লিগেল সর্ভিসেস ওথোরিটি এক্ট, 1987গী মখাদা পীরিবা লিগেল সর্ভিসশীং অমসুং মরি লৈনবা হিরমদুদা হৈ-শীংলবা নত্ত্রগা ইন্টরেষ্ট লৈবা, প্রো বোনো সর্ভিসশীং পীরিবা ক্বালিফাই ওইরবা উকিল, অনিশীগী মরক্তা মরি অমা শেমগৎপদা শিজিন্নবা য়াগনি। উকিলশীংনা পীরিবা প্রো বোনো লিগেল এসিষ্টেন্স অদুবু চুনবা পোজিসনশীংদা এপোইন্টমেন্ট তৌনবগী খুজিং (yardstick) অমা ওইনা মশক খংনবা প্রষ্টাবসু তৌরি। অসুম তৌনা, দেটাবেজ অসিনা উকিলশীংনা পীরিবা প্রো বোনো সর্ভিসশীং অসি এসেস তৌনবা ওথোরিটিশীংগী অহেনবা টুল অমা ওইনা মথৌ তৌগনি।

সর্ভিসশীং অসি মতৌ করম্না লৌগদগে?

সর্ভিস অসিগীদমক রেজিষ্টর তৌনবা, উকিলশীং অমসুং লিগেল প্রোফেসনেলশীংগী ইলিজিবিলিটি

• বার কাউন্সিল অমদা মীং চল্লবা ওইগদবনি।
• বার অদুদা এদভোকেট অমা ওইনা প্রাক্টিস তৌরিবা ওইগদবনি।
• প্রো বোনোগীদমক্তা প্রোফাইল অমা শেম্নবগীদমক্তা চহিগী অকক্নবা (no bar) লৈতে।
• করিগুম্বা চুনবা পোজিসনশীংদা খন্ননবগী ইন্টরেষ্ট লৈবা তারবদি, চহি 44-54গী মরক্তা লৈবশীংদা অহেনবা ইনফোর্মেসন পীনবগী ওপশন পীগনি।

মতৌ করম্না রেজিষ্টর তৌগদগে?

• এপ্লিকান্ট অদু ServicePlusতা রেজিষ্টর তৌবা ওইগদবনি। করিগুম্বা নহাক্কী সর্ভিস প্লস আইদি অমা হান্ননা লৈরবদি নহাক্না মদু প্রো বোনোগীদমক রেজিষ্টর তৌনবগী লোগইন তৌবদা শিজিন্নবা য়াগনি।
• করিগুম্বা নহাক্কী সর্ভিস প্লস আইদি অমা লৈত্রবদি, ওনলাইন রেজিষ্ট্রেসন ফোর্ম অদু মেনসিল্লু। ফোর্ম অদু ফংনবগীদমক্তা, মফমসিদা ক্লিক তৌবীয়ু।
• ফোর্ম অদু মেন্সিন্দ্রিঙৈদা টর্ম অমসুং কন্দিসনশীংদু পাবীয়ু। রেজিষ্ট্রেসন তৌরবা মতুংদা নহাক্না প্রো বোনোগী প্রোফাইল অমা শেম্নবা লোগইন তৌবা য়াগনি।
• নহাক্কী পোকপগী প্রমাণ (খুদম ওইনা, বার্থ সর্টিফিকেট নত্ত্রগা ক্লাস 10/12কী মার্ক শিট) পীবা মথৌ তাগনি।

সর্ভিসশীং লৌবা(Accessing the services)

রেজিষ্টর তৌরবা নাগরিকশীংনা রেজিষ্টর তৌরবা উকিল অমসুং লিগেল প্রোফেসনেলশীংগী সর্ভিসশীং লৌনবা প্রো বোনো লিগেল সর্ভিস পোর্টেলদা এপ্লাই তৌবা য়াগনি।

সোর্স: দিপার্টমেন্ট ওফ জষ্টিস, গবর্ণমেন্ট ওফ ইন্দিয়া