ইলেক্ট্রোনিক টোল কলেক্সনগীদমক শিজিন্নরিবা FASTag

নেসনেল হায়ৱেজ ওথোরিটি ওফ ইন্দিয়া (NHAI)না ইলেক্ট্রোনিক টোল কলেক্সনগী ওইনা শিজিন্নরিবা FASTags ফংহন্নবগীদমক, MyFASTag অমসুং FASTag Partner (FASTag পার্টনর) কৌবা মোবাইল এপ অনি হৌদোকখ্রে।

ইলেক্ট্রোনিক টোল কলেক্সন (ETC) হায়বসি করিনো?

ETC হায়বসি মীওইবগী মতেং য়াউদবা হায়ৱে টোলগী ইলেক্ট্রোনিক পেমেন্টবুনি। ETC সিষ্টেমশীংনা, গারি অমসুং টোল কলেক্সন এজেন্সি অনিগী মরক্তা ইলেক্ট্রোনিক্কী মতেংনা শেলগী ত্রাঞ্জেক্সন অমা পাংথোক্নবা ভেহিকল-তু-রোডসাইদ কম্যুনিকেসন টেক্নোলোজিশীং শিজিন্নৈ।

FASTag হায়বসি করিনো?

FASTag হায়বসি টোল পেমেন্টশীংবু হকথেংননা মসিদা লিঙ্ক তৌরিবা প্রিপেদ নত্ত্রগা সেভিংস একাউন্টদগী পীনবা, রেদিও ফ্রিক্বেন্সি আইদেন্টিফিকেসন (RFID) টেক্নোলোজি শিজিন্নবা দিভাইস অমনি। মসি নহাক্কী গারিগী মমাংগী মীংশেন্দা (windscreen) নপশিল্লি অমসুং মসিনা নহাকপু টোল প্লেজাশীংদা শেলগী ত্রাঞ্জেক্সনগীদমক খাম্বা তৌদনা গারি থৌবা য়াহল্লি। তেগ (tag) অদু তেগ ইসু তৌফমদগী লৈবা য়াই অমসুং করিগুম্বা মদু প্রিপেদ একাউন্টতা লিঙ্ক তৌবা ওইরবদি, নহাক্কী মথৌ তাবদুগী মতুংইন্না তেগ অদু রিচার্জ / তোপ অপ তৌবা মথৌ তাগনি।

লৈবাক অসিদা লৈরিবা টোল প্লেজা 371 NHAIগী লেন (lane) পুম্নমক অসি ইং 2017গী ওক্টোবর তাং 1দগী FASTag এনেবল ওইহল্লগনি অমসুং অতোপ্পা মখল অমত্তগী পেমেন্ট চৎনররোই। অতৈ লেনশীংদি, FASTag এনেবল ওইরবসু, অতোপ্পা মওংগী পেমেন্ট লৌবা য়াখিগনি। টোল প্লেজা 371 NHAIদা লৈরিবা দেদিকেটেদ FASTag লেনশীং অসি ইং 2017, সেপ্টেম্বরগী তাং 1দগী শিজিন্নবা য়ারগনি।

গবর্ণমেন্ট ওফ ইন্দিয়ানা ইং 2017, ওক্টোবরগী তাং 1দগী হৌদুনা অনৌবা গারি য়োনবা মতমদা এক্টিভ FASTag নপ্পসি তঙাইফদবা ওইহনখ্রে। “FASTag পার্টনর এপ”না লৈবাক অসিদা লৈবা দিলর 6000 হেনববু প্লেটফোর্ম অমখক্তংদা পুন্সিন্নবা অমসুং গারি পীবা মতমদা FASTag এক্টিভেট তৌনবা থবক পায়খৎকনি।

FASTag শীজিন্নবগী কান্নবশীংদু করি করিনো?

• কেসলেস পেমেন্ট (শেলয়েক চংদবা পেমেন্ট) – FASTag য়ুজরশীংনা টোল ত্রাঞ্জেক্সনগীদমক শেল (কেস) পুবগী মথৌ তাদ্রে, অমসুং শেল অচোইবা পীবগী খুদোংচাদবা লৈহন্দ্রবনিনা, চপ চাবা শেনফম অদুমক পীবা য়ারে।
• মতম য়াম্না চংহন্দনা গারি লানবা য়াহনবা – চপ চাবা শেনফম অদু FASTagকী খুত্থাংদা মশা-মথন্তা লৌখ্রবনিনা (Auto-debit) টোল প্লেজাশীংদা গারি হেন্না য়াংনা লানবা য়ারে অমসুং মসিনা মতম্বুসু কনবা ঙম্লে।
• ওনলাইনদা রিচার্জ তৌবা – FASTag অসি ওনলাইন্দা ক্রেদিট কার্দ/ দেবিট কার্দ/ / NEFT/ RTGS নত্ত্রগা নেট বেঙ্কিংগী খুত্থাংদা রিচার্জ তৌবা য়াই।
• SMS এলর্ট পীবা – টোল ত্রাঞ্জেক্সনশীং, বেলেন্স নেম্বা, অসিনচিংবশীংগীদমক রেজিষ্টর তৌরবা মোবাইল নম্বর অদুদা খুদক্তা SMS এলর্ট পী।

মতৌ করম্না ঐনা FASTag লৈবা য়াগদগে?

1. FASTags অসি ওনলাইন্দা য়োল্লি - FASTag অসি ওনলাইন্দা ইসু তৌরিবা বেঙ্ককী ৱেবসাইটশীং/ NHAI ৱেবসাইট / IHMCL ৱেবসাইট তগী লৈবা য়াই অমসুং লৈরিবা মীওই অদুগী লৈফমদা কোরিয়রগী খুত্থাংদা য়ৌহল্লক্কনি।
2. মোবাইল এপ - MyFASTag অসি এন্দ্রোইদ অমসুং iOS সিষ্টেম অনিমক্কী এপ ষ্টোরদগী দাউনলোদ তৌবা য়াবা কঞ্জ্যুমর এপ অমনি। কঞ্জ্যুমর অমনা FASTag অসি এপ অসিদা লৈবা নত্ত্রগা রিচার্জ তৌবা য়াই। এপ অসিনা ত্রাঞ্জেক্সনশীংগী রেকোর্দ য়েংশিনবদা মতেং পাংই অমসুং ওনলাইন গ্রিভান্স রিদ্রেসেলসু পী। এন্দ্রোইদকীদমক্তা এপ অসি দাউনলোদ তৌনবা, মফমসিদা ক্লিক তৌবীয়ু।
3. নহাক্না নহাক্কী তেগ একাউণ্ট শেম্নবগীদমক্তা টোল প্লেজাশীংদা লৈরিবা সর্টিফাই তৌরবা ইসু তৌরিবা বেঙ্কশীং (ICICI বেঙ্ক, এক্সিস বেঙ্ক, IDFC বেঙ্ক, ষ্টেট বেঙ্ক ওফ ইন্দিয়া)গী পোইন্ট ওফ সেল (POS) লোকেসন অমহেক্তদা নত্ত্রগা বেঙ্কশীংগী সেল ওফিসশীংদা চৎপা য়াই। মসিগী মথক্তা, নহাক্না খ্বাইদগী নকপা POS লোকেসন খংদোক্নবগীদমক ইসু তৌরিবা বেঙ্ক অদুগী কষ্টমর কেয়র নম্বরদা কোল তৌবসু য়াই। POS/ সেলস ওফিস লোকেসন অদুদা চৎপা মতমদা নহাক্কী KYC দোক্যুমেন্টগী ওরিজিনেল অমসুং ফোটোকোপি অনিমক পুবা মথৌ তাগনি। FASTag লৈনবগীদমক নহাক্কী গারি অদু POS / সেল ওফিস লোকেসন অদুদা পুবা মথৌ তাই।
4. FASTag লৈনবগীদমক মথৌ তারিবা দোক্যুমেন্টশীং - FAS Tag অসি একাউন্ট অমদা লিঙ্ক তৌবা মরম্না,  ইসু তৌরিবা বেঙ্ক অদুগী KYC পোলিসিগী মতুংইন্না KYC দোক্যুমেন্টেসন মথৌ তাগনি। KYC দোক্যুমেন্টেসনগী মথক্তা, নহাক্না FASTagকী এপ্লিকেসন অদুগী লোয়ননা গারি অদুগী রেজিষ্ট্রেসন সর্টিফিকেট (RC) অদুসু পীশীনবা মথৌ তাই।

ইসু তৌরিবা বেঙ্কশীংগী কষ্টমর কেয়র হেল্পলাইনশীং মখাদা পীরি।

• ICICI বেঙ্ক (কষ্টমর কেয়র 1800 210 0104)
• Axis বেঙ্ক (কষ্টমর কেয়র 1800 103 5577)
• IDFC বেঙ্ক (কষ্টমর কেয়র 1800 266 9970)
• SBI বেঙ্ক (কষ্টমর কেয়র 1800 110 018)
5. FASTag অসিগী ভেলিদিটি অসি অনলিমিটেদ (unlimited validity) ওই। চপ মান্নবা FASTag অদু রিদরনা পারিবমখৈ অমসুং শেমদোক-শেমজিন তৌদ্রিবমখৈ শিজিন্নবা য়াগনি। শেগাই-খোকাইবদগী রিদিং ক্বালিটি হন্থরক্লবদি, চানবীদুনা অনৌবা তেগ অমগীদমক্তা ইসু তৌরিবা নহাক্কী বেঙ্ক অদুদা চৎপীয়ু।

FASTag লৌবগী চার্জ কয়ানো?

FASTag অসি ইসুয়িং বেঙ্কশীংনা (Issuing Banks) ইসু তৌই অমসুং বেঙ্কশীংনা তেগ অমমমগী ওইনা খ্বাইদগী য়াম্লবদা লুপা 200 ফাউবা লৌবা য়াই। অদুমওইনমক, তেগ ইসু তৌবগী চার্জশীং অসি ইসু তৌরিবা বেঙ্কশীংদুনা লেপ্পী অমসুং বেঙ্ক অমগা বেঙ্ক অমগা মান্নদবসু য়াই।

ঐহাক্কী লৈফম য়ুম অসি অকক্নবা টোল প্লেজা অমগী কিমি 10 গী মনুংদা লৈ। লোকেলগী গারিশীংগীদমক পীরিবা কন্সেসনশীং ফংনবগীদমক ঐহাক্না FASTag লৌবা মথৌ তাগদ্রা?

নহাক্না কন্সেসনশীং (concessions) ফংনবগীদমক FASTag অমা লৈবা য়াই। FASTag অদু লৈরবা মতুংদা, লৈরক্লিবা বেঙ্ককী POS লোকেসন অদুদা, অকক্নবা প্লেজা অমগী কিমি 10 মনুংদা নহাক্কী য়ুম লৈ হায়বদু তাক্নবগী মথৌ তাবা দোক্যুমেন্টশীং (প্রুফ ওফ রেসিদেন্স) অদু পীশিনবা মথৌ তাগনি। মদু ভেরিফাই তৌখ্রবা মতুংদা, নহাক্কী গারিদা পীরিবা FASTag অদুদা কন্সেসন পীরক্লগনি।

সোর্স : NHAI