ইন্টরনেট সেফটি

ইন্টরনেটনা অনৌবা কয়াবু খংনবা, শেম্নবা অমসুং পুনশিন্ননবা খুদোংচাবা কয়া পীরি। ৱেবগী কান্নবসি মপুংফানা লৌবা ঙম্নবগীদমক, নহাক্না নশামকপু মতৌ করম্না শাফনা অমসুং চিংনবা লৈতনা লৈহনগদগে হায়বদু খংবা মথৌ তাই। নহাক্না অনৌবা ইন্টরনেট য়ুজর নত্ত্রগা এক্সপর্ট অমা ওইরবসু নত্ত্রগা ওইদ্রবসু, মফমসিদা পীরিবা পাউতাক অমসুং টুলশীং অসিনা ৱেবপু শাফনা অমসুং চিংনবা লৈতনা শিজিন্নহনবদা মতেং পাংগনি।

নহাক্কী পাসৱার্দশীং সেক্যুওর ওইহল্লু

পাসৱার্দশীং অসিনা সাইবরক্রিমিনেলশীং থেংননবগী অহানবা পলনি। নহাক্কী মরুওইবা একাউন্ট খুদিংমক্কী অমগা অমগা মান্নদবা অচেৎপা পাসৱার্দশীং থম্বা হায়বসি য়াম্না মরুওই, অমসুং নহাক্কী পাসৱার্দশীং চাং নাইনা অপদেট তৌবা হায়বসি য়াম্না ফবা থৌওংনি। মখাদা পীরিবা থৌওংশীং অসি অচেৎপা পাসৱার্দশীং শেম্নবা অমসুং মখোয়বু সেক্যুওর ওইনা থম্নবগীদমক্তা রিকমেন্দ তৌই।

• ইমেইল অমসুং ওনলাইন বেঙ্কিং, অসিনচিংবা মরুওইবা একাউন্ট খুদিংমক্কী তোঙান-তোঙানবা তোপ-তোপ্পা একাউন্ট অমমম শীজিন্নৌ – নহাক্কী ওনলাইন একাউন্ট খুদিংমক্কী চপ মান্নবা একাউন্ট খনবা হায়বসি নহাক্কী য়ুম, কার অমসুং ওফিসপু শো লোনবদা চপ মান্নবা শোজৈ অমা শীজিন্নবগুম্বনি। মরম অদুনা, নহাক্কী ইমেইল নত্ত্রগা বেঙ্ক একাউন্টদা শিজিন্নরিবা পাসৱার্দ অদুমক ওনলাইন ন্যুজলেটর অমগীদমক শিজিন্নরোইদবনি। মসিনা খুৎলোয়দবা খরদি থোকহনবা য়াই, অদুবু পাসৱার্দ তোঙান-তোঙান্না থম্বনা নহাকপু হেন্না শাফহনগনি।
• মশীং, ময়েক অমসুং সিম্বোলশীংনা শেম্বা অশাংবা পাসৱার্দ অমা শিজিন্নৌ – নহাক্কী পাসৱার্দ অদুনা হেন্না শাংলিবমখৈ, কনাগুম্বনা মদু ভাবনা শাবদা হেন্না লুহনগনি। মরম অদুনা নহাক্কী ইনফোর্মেসন অদু শাফবা মওংদা থম্নবগীদমক নহাক্কী পাসৱার্দ অদু শাংহল্লু। মশীং, সিম্বোল অমসুং কেস মচা-অচৌবা য়ানশিন্নদুনা শেম্বনা অতোপ্পা মীওইশীংবু নহাক্কী পাসৱার্দ অদু ৱাখলনা শাবদা লুনা থোকহনগনি। চানবীদুনা ‘123456’ নত্ত্রগা ‘পাসৱার্দ’ অসি শিজিন্নবীগনু, অমসুং নহাক্কী পাসৱার্দশীংদা নহাক্কী ফোন নম্বরগুম্বা মীয়াম্না খংবা ইনফোর্মেসন অদু শিজিন্নরোইদবনি। মসি য়াম্না ওরিজিনেল ওইবা নত্তে অমসুং মসি য়াম্নসু শাফবা নত্তে!
• নহাকখক্তনা খংবা ৱাহৈ চবুল (phrase) অমা শিজিন্নদুনা য়েংউ – নহাকখক্তনা খংবা ৱাহৈ চবুল অমা শিজিন্নবা হায়বসিসু য়েংবা য়াবা অমনি, অমসুং মদু নহাক্না নিংশিংবদা মতেং ওইনবগীদমক, মদু অকক্নবা ৱেবসাইট অমগা মরি লৈনহল্লু। নহাক্কী ইমেইলগী ওইনা, “ঐগী মরুপশীং অকশয় অমসুং শিটলনা ঐঙোন্দা নোংমগী মনুংদা অমুক্তি নোক্নিংবা ইমেইল থারকই” (“My friends Akshay and Sheetal send me a funny email once a day”) হায়না হৌবা য়াই, অমসুং মদুবু অমুক হন্না নৌনা শেম্নবগীদমক্তা মশিং অমসুং ময়েকশীং শিজিন্নবা য়াই। “MfA&Ssmafe1ad” অসি ভেরিএসন য়াম্না লৈবা পাসৱার্দ অমনি। প্রোসেস অসি অতৈ সাইটশীংগী ওইনসু পাংথোকপা য়াই।
• নহাক্কী পাসৱার্দ রিকভরি ওপসনশীং শেম্মু অমসুং মখোয়দু অপ-তু-দেট ওইনা থম্মু।
• করিগুম্বা নহাক্না নহাক্কী পাসৱার্দ অদু কাউখ্রবা নত্ত্রগা লোক তৌশিনখ্রবদি, নহাক্কী একাউন্টদা হন্নবগীদমক নহাক্না লম্বী অমা থীবা তাই। করিগুম্বা নহাক্না নহাক্কী পাসৱার্দ অদু রিসেট তৌবা মথৌ তারবদি, সর্ভিস কয়ানা নঙোন্দা, রিকভরি ইমেইল এদ্রেস অমদা ইমেইল অমা থারক্কনি, মরম অদুনা নহাক্কী রিকভরি ইমেইল এদ্রেস অদু অপ-টু-দেট ওইহনবা অমসুং নহাক্না হৌজিকশু শিজিন্নবা য়ারিবা একাউন্ট অমা শোয়দনা ওইহনগদবনি।
• করিগুম্বা মতমদসু নহাক্না টেক্সট মেসেজগী খুত্থাংদা নহাক্কী পাসৱার্দ রিসেট তৌনবা কোদ অমা রিসিভ তৌনবগীদমক নহাক্কী প্রোফাইলদা ফোন নম্বর অমা হাপ্পসু য়াই। নহাক্কী একাউন্টতা মোবাইল ফোন নম্বর অমা হাপ্পা হায়বসিনা নহাক্কী একাউন্ট অদু শাফনা থম্নবগী খ্বাইদগী লাইবা অমসুং চৎনবা য়াবা লম্বীশীংগী মনুংদা অমনি। নহাক্কী মোবাইল ফোন অসিনা নহাক্কী রিকভরি ইমেইল এদ্রেস নত্ত্রগা সেক্যুরিটি ক্বেসন অমদগী হেন্না সেক্যুওর ওইবা আইদেন্টিফিকেসন মেথদ ওই, মরমদি অতোপ্পা অনিদুগা মান্নদবা মওংদা, নহাক্কী মোবাইল ফোন অদুদি নশাগা লোয়নদুনা লৈ।
• অদুম ওইনমক, করিগুম্বা নহাক্না ফোন নম্বর অমা নহাক্কী একাউন্টতা হাপ্পা পামদ্রবা নত্ত্রগা য়াদ্রবদি, নহাক্কী পাসৱার্দ অদু কাউখিবা মতমদা নহাক্কী আইদেন্টিটি ভেরিফাই তৌনবা ৱাহং অমা খন্ননবা ৱেবসাইট কয়ানা খংহল্লকপা য়াই। করিগুম্বা নহাক্না শিজিন্ন্রিবা সর্ভিস অদুনা নশাগী ওইবা ৱাহং শেম্বা য়ারবদি, নহাকখক্তনা খংগদবা অমদি মী অতৈনা খংবা নত্ত্রগা সোসিএল মিদিয়াদা শেয়র তৌখ্রবা নত্তবা ৱাহং অমা শেম্নবা হোৎনৌ। নহাক্কী পাউখুম অদু তোপ-তোপ্পা অখন্নবা, অমদি নিংশীংনিংঙাই ওইবা অমা ওইহন্নবা হোৎনৌ, অমদি কনাগুম্বনা মদু ভাবনা শাবা ঙমখবসু মওং চুম্না এন্টর তৌবা ঙম্লোইদবা মখলগী ওইহনগদবনি। মসি নহাক্না মসি মথক্কী পাম্বৈ অসি শিজিন্নদুনা পাংথোকপা য়াই। পাউখুম অসি নহাক্না নিংশিংবা য়াম্না মরুওই, মরমদি করিগুম্বা নহাক্না মসি কাউথোকখ্রবদি কৈদৌঙৈদা নহাক্কী একাউন্টতা নহাক্না হন্দুনা চংবা ঙম্লরোই।

আইদেন্টিটি হুরানবা থীংবা (Prevent identity theft)

ক্রিমিনেলশীংনা শিজিন্নবা কমন ওইবা নমথাকশীং খংদোকপনা নহাক নশামকপু ওনলাইনগী নমথাক লাংশীং অমসুং আইদেন্টিটি হুরানখিবদগী ঙাকথোকপদা মতেং পাংগনি। ইচম চম্বা পাংথোক্কদবা থৌওং খরা মখাদা পীরি:

• নহাক্না করিগুম্বা চিংননিঙাই ওইবা ইমেইল, ইনষ্টেন্ট মেসেজ নত্ত্রগা ৱেবপেজ অমনা নহাক্কী লনাইগী নত্ত্রগা ফাইনান্সিএল ইনফোর্মেসন হংলকপা উরবদি মদুগী পাউখুম পীরোইদবনি।
• নহাক্না থাজদবা (trust) ইমেইল নত্ত্রগা চাট অমদা লাকপা লিঙ্ক অমগী মতুং ইন্দুনা সাইট অমদা লাক্লবদি কৈদৌঙৈদা নহাক্কী পাসৱার্দ অদু এন্টর তৌগনু।
• নহাক্কী পাসৱার্দ অদু ইমেইলগী খুত্থাংদা থাগনু, অমসুং মদু অতোপ্পদসু হায়দোক্কনু।
• করিগুম্বা নহাক্না মশক খংবা কনাগুম্বা মীওই অমদগী মেসেজ অমা উরবা, অদুবু মদু মহাক্না থারকপা মান্দ্রবদি, মহাক্কী একাউণ্ট অদু, নঙোন্দগী ইনফোর্মেসন নত্ত্রগা শেল লৌথোক্নবা হোৎনরিবা সাইবরক্রিমিনেল অমনা কম্প্রোমাইজ (compromised) তৌরম্বা য়াই। মতৌ করম্না পাউখুম পীগদগে হায়বদু চেক্সিল্লু, নত্ত্রগা পাউখুম শুংপী পীরুনু।
• কমন ওইবা নমথাকশীংগী মনুংদা, মখোয়দা য়াম্না অথুবদা শেল থানবা হায়রকপা য়াই, অমদি মখোয়দু অতোপ্পা লৈবাক অমদা লমহাংনরে অমসুং মখোয়গী ফোন হুরানখিবনা মরম ওইদুনা নঙোন্দা ফোন তৌরকপা ঙমদ্রে হায়না খংহল্লকপসু য়াই। মেসেজগী খুত্থাংদা নহাক্না পিকচর, আর্টিকল নত্ত্রগা ভিদিও অমা য়েংনবগীদমক লিঙ্ক অমদা ক্লিক তৌনবা নঙোন্দা হায়রকপা য়াই। মদু তশেংবদি নহাক্কী ইনফোর্মেসন হুরানবা য়াগদবা সাইট অমদা পুনবা থৌরাংনি। ক্লিক তৌদ্রিঙৈদা নহাক্না মুন্না খনগদবনি।

নহাক্কী ইমেইল একাউণ্টশীং শাফহল্লু

• নহাক্কী ইমেইল অদু নহাক্না পাম্বা ওইদ্রিবমখৈ ফোরৱার্দ নত্ত্রগা শেয়র তৌহল্লোইদবনি। নহাক্কী ইমেইল অদু মওং চুম্না চৎখিনবগীদমক, নহাক্কী একাউন্টতা অতোপ্পা মীওইশীংনা এক্সেস তৌবা য়াহনগদবা, ফোরৱাররদিং এন্ড দেলিগেসন ইমেইল সেটিংস অদু চেক তৌ।
• করিগুম্বা নহাক্না নহাক্কী পাসৱার্দ অদু কাউখিবা তারবদি, নহাক্কী একাউণ্টতা অমুক হন্না চংনবা নহাক্না লম্বী অমা থম্বা মথৌ তাই।
• করিগুম্বা নহাক্না নহাক্কী পাসৱার্দ অদু রিসেট তৌবা মথৌ তারবদি নহাক্না রিকভরি ইমেইল এদ্রেস অমা ফংবা য়াই, মরম অদুনা রিকভরি ইমেইল এদ্রেস অদু অপ-টু-দেট ওইহনবগা লোয়ননা নহাক্না এক্সেস তৌবা য়াবা একাউণ্ট অমা ওইহল্লু।
• নহাক্না ইমেইল একাউন্টতা ফোন নম্বর অমা হাপচিন্দুনা টেক্সট মেসেজগী খুত্থাংদা নহাক্কী পাসৱার্দ রিসেট তৌনবা কোদ অমা রিসিভ তৌবসু য়াই। নহাক্কী একাউন্টতা মোবাইল ফোন নম্বর অমা হাপ্পা হায়বসিনা নহাক্কী একাউন্ট অদু শাফনা থম্নবগী খ্বাইদগী লাইবা অমসুং চৎনবা য়াবা লম্বীশীংগী মনুংদা অমনি। নহাক্কী মোবাইল ফোন অসিনা নহাক্কী রিকভরি ইমেইল এদ্রেস নত্ত্রগা সেক্যুরিটি ক্বেসন অমদগী হেন্না সেক্যুওর ওইবা আইদেন্টিফিকেসন মেথদ ওই, মরমদি অতোপ্পা অনিদুগা মান্নদবা মওংদা, নহাক্কী মোবাইল ফোন অদুদি নশাগা লোয়নদুনা লৈ।
• নহাক্কী একাউন্টতা মহৌশাগা মান্নদবা এক্সেস নত্ত্রগা এক্টিভিটি লৈব্রা হায়বদু চেক তৌগদবনি।
• নহাক্কী একাউন্ট অদুদা মহৌশাগা মান্নদবা নত্ত্রগা চিংনবা য়াবা এক্টিভিটি লৈব্রা হায়বদু চাং নাইনা রিভিয়ু তৌ।
• নহাক্কী মেইল অদু এক্সেস তৌখিবা খ্বাইদগী নৌবা IP এদ্রেসশীং, অমসুং মখোয়গা লোয়নবা লোকেসনশীং য়েংনবগীদমক পেজ অদুগী খ্বাইদগী মখাদা লৈরিবা “দিটেলস” লিঙ্ক অদুদা ক্লিক তৌ।
• করিগুম্বা নহাক্না চিংননিংঙাই ওইবা একাউন্ট এক্টিভিটি উরবদি, খুদক্তা নহাক্কী পাসৱার্দ হোংদোকউ অমসুং নহাক্কী একাউন্ট অদু লোগআউট তৌ।
• নহাক্না নহাক্কী ইমেইল অদুদা সাইন ইন তৌবা মতমদা, নহাক্না ৱেব এদ্রেস অদু https:// না হৌরব্রা হায়বদু (“http:// খক্তনা নত্তবা”) য়েংগদবনি। মসিনা ৱেবসাইট অদুদা লৈবা নহাক্কী কনেক্সন অদু এনক্রিপ্ট তৌরে অমদি স্নুপিং নত্ত্রগা তেম্পরিংদা (snooping or tampering) রেসিষ্টেন্ট ওইরে হায়বা তাকই।

নহাক্কী দিভাইস অদুগী সেফটি লৈহল্লু

করিগুম্বা নহাকপু রিদাইরেক্ট তৌবা নত্ত্রগা নহাক্না পোপ-অপ এদশীং, পামদবা টুলবারশীং, নত্ত্রগা অঙকপা সর্চ রিজল্টশীং উরবদি, নহাক্কী কম্প্যুটরদা মালৱায়র য়াউরম্বা য়াই। মালৱায়র হায়বসি নহাক্কী কম্প্যুটরবু অমাং-অতা থোকহন্নবা অমসুং কন্ত্রোল তৌনবা শেম্বা সোফটৱায়রনি।

• নহাক্কী কম্প্যুটর নত্ত্রগা ব্রাউজরদগী মালৱায়র লৌথোকউ।
• নহাক্না মশক খংদবা প্রোগ্রামশীং নহাক্কী কম্প্যুটরদা য়াউব্রা হায়বদু চেক তৌ, অমসুং মখোয়বু অনইনষ্টোল তৌথোকখো।
• নহাক্না উবা অহোংবশীংদু হঞ্জিনহন্নবা (undo) ব্রাউজর রিসেট ফিচর শিজিন্নৌ অমসুং নহাক্কী সেটিংশীংদু নোর্মেলদা লাকহল্লু।
• নহাক্কী কম্প্যুটরদগী মালৱায়র খংদোক্নবা অমসুং লৌথোক্নবা এন্টিভাইরস সোফটৱায়র শিজিন্নৌ।
• নহাক্কী ব্রাউজর অমসুং ওপরেটিং সিষ্টেম অদু অপ-টু-দেট ওইনা থম্মু। অয়াম্বা ওপরেটিং সিষ্টেমশীংনা, মদু অপগ্রেদ তৌবা মথৌ তারকপা মতমদা নঙোন্দা খংহল্লক্কনি, অমসুং মেসেজশীং অদু থৌশাদবা তৌরোইদবনি। করিগুম্বা মতমদা সোফটৱায়রশীংগী অরিবা ভর্সনশীংনা, ক্রিমিনেলশীংনা নহাক্কী দেটা কোম্না লৌখিনবা শিজিন্নবা য়াবা সেক্যুরিটি প্রোব্লেমশীং লৈহনবা য়াউই।
• নহাক্না ক্লিক অমসুং দাউনলোদ তৌরিবশীংদু কুপ্না য়েংগদবনি।
• করিগুম্বা মতমদা নহাক্না খন্থহৌদনা লিঙ্ক অমা ক্লিক তৌরুবদগী নহাক্কী কম্প্যুটরদা মালৱায়র ইনষ্টোল তৌখিবা য়াই। নহাক্কী কম্প্যুটরদু শাফবা মওংদা থম্নবগীদমক, নহাক্না থাজবা সাইটখক্তদগী লাকপা লিঙ্কশীংদা ক্লিক তৌ অমসুং দাউনলোদ তৌ।
• মশক খংদবা ফাইল মখল অমত্তা হাংদোক্কনু, নত্ত্রগা নহাক্কী ব্রাউজরদা থোক্লকপা পোপ-অপশীংদগী প্রোগ্রামশীং দাউনলোদ তৌগনু।
• দাউনলোদ তৌবা মতমদা ফাইন প্রিন্ট দিটেলস অমসুং ওটো-চেক চেকবোক্সশীংদসু কুপ্না য়েংউ।
• করম্বা প্রোগ্রামশীং ইনষ্টোল তৌবগে হায়বদু নহাক্না শোয়দনা খংবা তাই।
• করিগুম্বা চিংনবা লৈরবদি, মদু লৌথোকখো – ইমেইল, ট্বিট, পোষ্ট অমসুং ওনলাইন এদভর্টাইজশীংদা পীরকপা লিঙ্কশীং অসি অয়াম্বা মতমদা নহাক্কী কম্প্যুটরশীংবু কম্প্রোমাইজ তৌনবা সাইবরক্রিমিনেলশীংনা শেম্বা লম্বী ওইগল্লি। করিগুম্বা নহাক্না সোর্স অদু খংলবা ফাউবদা মদু চিংননিংঙাই ওইরবদি, মদু দিলিট তৌখিবনা খ্বাইদগী ফবা ওইগনি।
• থবক পাংথোক্ত্রিঙৈদা হান্না খল্লু – নঙোন্দা খুদক্তা থবক পাংথোকউ হায়না খংহল্লকপা, কা-হেন্না ওইজবা পীরকপদগী চুম্লমগনি থাজদবা, নত্ত্রগা লনাইগী ইনফোর্মেসন হংলকপা কম্যুনিকেসনশীংদগী য়াম্না চেক্সিনগদবনি।
• ফিশরশীংগী লাংদা থূরোইদবনি – ফিশীং হায়বসি বেঙ্ক নত্ত্রগা সোসিএল নেটৱার্কিং সাইটকুম্বা আইন্না য়াবা মফম অমদগী লাকপা মালহনবা ইমেইল নত্ত্রগা সোসিএল মিদিয়া মেসেজ অমা নহাক্না ফংবা মতমদা থোকই। করিগুম্বা নহাক্না মেসেজ অদুদা য়াউরিবা লিঙ্ক অমদা ক্লিক তৌরুরবদি, আইন্না য়াবা (legitimate) মানবা, অদুবু নহাকপু নহাক্কী য়ুজরনেম অমসুং পাসৱার্দ সাইন ইন তৌহন্দুনা ইনফোর্মেসন অদু লৌথোক্নবা ক্রিমিনেলশীংনা শেম্বা ৱেবসাইট অমদা পুগনি। নহাক্না লিঙ্ক অদুদা ক্লিক তৌবগী মহুত্তা নহাক্কী ব্রাউজর ৱিন্দো অদুদা ৱেব এদ্রেস অদু টাইপ তৌদুনা সাইট অদুদা চংগদবনি।
• করম্বা মফমদা ক্লিক তৌবগে হায়বদু চেক্সিনগদবনি – শাশীন্নবা নত্ত্রগা মাং-তাক্নিংঙাই ওইবা ৱেবসাইটশীংনা (নত্ত্রগা ক্রিমিনেলশীংনা হেক (hacked) তৌখ্রবা আইন্না য়াবা ৱেবসাইটশীং) নহাক্কী দিভাইস অমসুং মদুদা য়াউরিবা দেটা অদুদা রিস্ক লৈহনবা য়াই। করিগুম্বা মতমদা “দ্রাইভ-বাই দাউনলোদস” হায়নসু খংনবা সাইটশীং অসিনা, করিগুম্বা নহাক্না মদুদা ভিজিট তৌরুবা নত্ত্রগা সাইটশীংগী লিঙ্কশীংদা ক্লিক তৌরুবা মতমদা, নহাক্কী দিভাইসতা মাং-তাক্নিংঙাই ওইবা সোফটৱায়র ইনষ্টোল তৌহনবা য়াই। অয়াম্বা মতমদা মখোয় অসি তশেংবা মাল্লি, য়াম্না কা-হেন্না ওইজবা ফংগনি থাজহল্লি, নত্ত্রগা মওং চুমদবা অমসুং আইন্না য়াদবা কন্টেন্ট মখল খরা য়াউগল্লি।

সোর্স : কঞ্জ্যুমর গো সেফলি দিজিটেল কেম্পেইন