নশামকপু ওনলাইন এব্যুজদগী ঙাকথোকচনবগী পাম্বৈশীং

কনাগুম্বা মীওই অমনা ঐগী প্রাইভেট ফোটোশীং লৌখ্রে অমসুং মখোয়দু ঐগী অয়াবা য়াউদনা সোসিএল মিদিয়াদা থাগৎলক্লে। মসিদা ঐনা করি তৌবা য়াবগে?

নহাক্না লৌখৎপা য়াবা খোংথাংশীং মখাদা পীরি:

সোসিএল নেটৱার্কিং সর্ভিস অদুদা পাউ পীয়ু

অহানবা অমসুং খ্বাইদগী প্রেক্টিকেল ওইবা খোংথাং অসি, পিকচরশীং অদু লৌথোকহন্নবগীদমক সোসিএল নেটৱার্কিং সর্ভিস অদুদা পাউ পীবনি। ফেসবুক, ত্বিটর অমসুং ইনষ্টাগ্রামগুম্বা সোসিএল মিদিয়া প্লেটফোর্ম অয়াম্বনদি নহাকপু পিকচরশীং রিপোর্ট তৌবা য়াহল্লি। অসিগুম্বা প্লেটফোর্মশীংনা মখোয়গী পোলিসিশীংদা য়ুম্ফম ওইদুনা পিকচর লৌথনবগী ফিরেপ লৌগনি।

কমপ্লেন্ট নত্ত্রগা FIR অমা ফাইল তৌগদবনি

করিগুম্বা সোসিএল মিদিয়া প্লেটফোর্ম অদুনা মীৎয়েং চংবীদ্রবা নত্ত্রগা মখোয়গী ফিরেপশীং অদুদা পেন্দ্রবদি, নহাক্না ক্রিমিনেল কমপ্লেন্ট অমা লোকেল পুলিস ষ্টেসন নত্ত্রগা সাইবর ইনভেষ্টিগেসন সেলদা ফাইল তৌবসু য়াই।

প্রাইভেট পিকচরশীং নহাক্কী অয়াবা য়াউদনা পোষ্ট তৌবা হায়বসি ক্রাইমনি হায়বসি ক্রাইমশীংগী (ইন্দিয়ান পেনাল কোদ, 1860) অমসুং ইনফোর্মেসন টেক্নোলোজিগী লো (দি ইনফোর্মেসন টেক্নোলোজি এক্ট, 2000)গী জেনেরেল লোশীংদা য়াউরিবা তোঙান-তোঙানবা প্রোভিজনশীংনা খংহল্লি।

• ইন্দিয়ান পেনাল কোদ 1860 সেক্সন 354Cগী মখাদা ভিক্টিম অদু নুপী অমা ওইরবদি ভোয়েইয়ুরিজম (Voyeurism) হায়বসি ক্রাইম অমা চিংই। নুপী অমগী মশাগী প্রাইভেট ওইবা থবকশীং (private acts)গী মতাংদা পিকচরশীং চাইথোকপা হায়বসিসু ক্রাইম অমনি। ক্রাইম চিংলিবা অতৈ থবকশীংগী মনুংদা মখাদা পীরিবশীংসি চল্লি:
• তোইলেট শিজিন্নরিবা নুপী অমগী ফোটো কাপ্পা, নত্ত্রগা
• মফি থোংদনা নত্ত্রগা মনুংগী ফি-রোল শেৎলগা লৈরিঙৈদা ফোটো কাপ্পা, নত্ত্রগা
• নুপী অমনা হক্তিন্নরিঙৈদা ফোটো কাপ্পা।

মশানা য়ানা ফোটো অদু কাপহনবগী থৌওং লৈবগী ওইথোকপসু লৈবা য়াই। অদুম ওইনমক, করিগুম্বা পিকচরশীং অদু অতোপ্পদা পীথোক্লোই নত্ত্রগা চাইথোক্লোই হায়বগী থাজবা পীরবা মতুংদা, মখোয় অদু চাইথোক্লবদি মদু ক্রাইম চিংগনি। মসিবু ক্রাইম চিংহন্দনবগীদমক্তা, নুপী অদুনা পিকচর লৌবা/ য়েংবা অমসুং মখোয়দু অতোপ্পদা পীবা, অনিমক্কী অয়াবা পীবা তাই হায়না আইন অসিনা ময়েক শেংনা খংহল্লি। মসিগী চৈরাক অসি চহি অহুমদগী তরেৎ ফাউবা কৈশুমশংদা থম্বগা লোয়ননা ফাইনসু লৌবা য়াই।

• ভোয়েইয়ুরিজম (মীগী অচিৎ-অকোম য়েংলগা ইন্দ্রিগী নুংঙাইবা লৌবা) হায়বসি IT এক্ট 2000 সেক্সন 66Eগী মখাদা ক্রাইম অমা ওইগনি, অমদি মসিদা ভিক্টিম অদু নুপা নত্ত্রগা নুপী অমা ওইবা য়াই।
• মীশক অমগী প্রাইভেট জগাশীং (private areas)গী পিকচর লৌবা, মখোয়গী অয়াবা য়াউদনা মখোয়বু অতোপ্পদা থাদোকপা নত্ত্রগা পব্লিস তৌবগী থৌওংবু ক্রাইম চিংহনবা অতোপ্পা আইন অমসু লৈরি। আইন অসিনা, করিগুম্বা নহাক অসি অতোপ্পা মীওইনা ফোটো কাপ্লোইদবা, অদুবু নহাক্কী ফি-রোল লৌথোকপগীদি মথৌ তাবা জগা (মফম) অমদা, নত্ত্রগা করিগুম্বা নহাক্না পব্লিক প্লেস অমদা লৈরবসু নহাক্কী প্রাইভেট বোদি পার্টশীং অদু মী অতৈনা উরোই হায়না খল্লবা, অমদি মসিদা নহাক্কী প্রাইভেট বোদি পার্টশীংগী পিকচর নত্ত্রগা ভিদিও লৌবা হায়বসি ক্রাইম অমনি হায়না তাক্লি। হান্না পীখ্রিবদুগা অমসুং হৌজিক্কী প্রোভিজন অসিগা অনিসিগী মরক্তা লৈরিবা খেৎনবসি, মসিনা মীওই পুম্নমক্তা চৎনগনি অদুগা হান্নগীসিনা নুপীশীংবু ঙাক-শেন্নবগী মীৎয়েংদনি। মসিগী চৈরাক ওইনা চহি অহুম ফাউবা কৈশুমশংদা থম্বা অমসুং লাখ অনিফাউবা ফাইন লৌবসু য়াই।

কনাগুম্বা মীওই অমনা ঐগী ওনলাইন একাউন্ট পুম্নমক ফংখ্রে অমসুং ঐগী তোঙান-তোঙানবা একাউন্টশীংদা মেসেজ লেপ্তনা থাজিলক্লে! ঐনদি মহাক্কা কম্যুনিকেট তৌবা পামদ্রে হায়না খংহনখ্রে, ঐনা মসি নত্তবা অতৈ করি তৌবা য়াবগে?

নহাক্না লৌখৎপা য়াবা খোংথাংশীং মখাদা পীরি:

য়ুজর অদু সোসিএল মিদিয়াদা ব্লোক তৌশিল্লু

মসিদা খ্বাইদগী অহানবা ওইনা পাংথোক্কদবসি মীওই অদুবু নহাক্কী সোসিএল মিদিয়া নেটৱার্কতগী অমসুং ইমেইলদা ব্লোক তৌশিনবসিনি।

জিমেইল (Gmail)গী ওইনদি, নঙোন্দা মী অতৈনা মেইল থাবা থীংবগী প্রোসেস অসি য়াম্না কোম্মী অমসুং মফমসিদা এক্সেস তৌবা য়াগনি। চপ মান্নবা ওপসনশীং অতৈ সোসিএল নেটৱার্কিং সাইটশীংদসু ফংই। সোসিএল মিদিয়াগী নহাক্কী সেটিংশীং অদু চাশিহন্দুনা মীওই অদুবু ব্লোক তৌ। করিগুম্বা ওপসন অসি ফংদ্রবদি, নহাক্না ফোর্মেল কমপ্লেন্ট/ রিপোর্ট অমা সোসিএল নেটৱার্কিং সাইট অদুদা থাবা মথৌ তাগনি।

করিগুম্বা কম্যুনিকেসন অদু ফোনদা লাকপা ওইরবদি, অকক্নবা নম্বরশীংদগী লাকপা কোল অমসুং টেক্সটশীং নহাক্না ব্লোক তৌবা য়াহনবা ওপসনশীং লৈ।

পাংথোক্কদবা থৌওং খরা – সাইট খরনদি য়ুজরশীংবু, মখোয়বু কনানা সর্চ তৌবা য়াহনগদগে, কনানা ফ্রেন্দ রিক্বেষ্ট থারকপা য়াহনগদগে হায়বনচিংবগী লিমিট থম্বা য়াহল্লি। নঙোন্দা কনানা কন্টেক্ট তৌরকপা য়াহনগদগে হায়বদু কন্ত্রোল তৌনবগীদমক নহাক্কী সোসিএল মিদিয়া একাউন্টশীংগী প্রাইভেট সেটিংশীং অদুগী মরমদা খংনবা হোৎনৌ।

কমপ্লেন্ট নত্ত্রগা FIR অমা ফাইল তৌ

করিগুম্বা সোসিএল মিদিয়া প্লেটফোর্ম অদুনা মীৎয়েং চংবীদ্রবা নত্ত্রগা মখোয়গী ফিরেপশীং অদুদা পেন্দ্রবদি, নহাক্না ক্রিমিনেল কমপ্লেন্ট অমা লোকেল পুলিস ষ্টেসন নত্ত্রগা সাইবর সেলদা ফাইল তৌবসু য়াই।

ওনলাইনদা মীওই অমবু ষ্টোক তৌবা (Stalking) হায়বসি ইন্দিয়ান পেনাল কোদ 1860 সেক্সন 354Dগী মখাদা ক্রাইম অমা চিংই। ষ্টোকিংগী থৌওং (কোইশেন শেন্নবগী থৌওং) হায়বসিদা, নুপী অমবু, মহাক মশানা থৌওংদু পামদে হায়বা খংহল্লবা ফাউবদা কোইশেন শেন্নবা নত্ত্রগা কন্টেক্ট তৌবা হায়বসিসু য়াউই। মসিগী চৈরাক অসি, অহানবা মরালগীদমক্তা চহি অহুম, অমসুং মতুংদা লাকপা হঞ্জিনবা মরালশীংগীদমক্তা ফাইনগা লোয়ননা চহি মঙাগী ফাদোক পীবা য়াই। মসিবু আইন্না য়াহনবা থৌওং খরসু লৈ। খুদম ওইনা, পুলিস ওফিসর অমনা নুপী অমদা রিসিভ তৌরিবা ইমেইলশীং মোনিটর তৌদুনা দ্রগকী পোৎলমশীং ফংনবা ত্রেক তৌবদা আইন্না অয়াবা পী।

কনাগুম্বা মীওই অমনা ঐঙোন্দা অকক্নবা মেসেজিং এপ্লিকেসনশীংদা অকাম্পেৎকী মেটরিএলশীং থাজিল্লক্লে। ঐনা করি তৌবা য়াবগে?

নহাক্না লৌখৎপা য়াবা খোংথাংশীং মখাদা পীরি:

য়ুজর অদু সোসিএল মিদিয়াদা ব্লোক তৌশিল্লু

মসিদা খ্বাইদগী অহানবা ওইনা পাংথোক্কদবসি মীওই অদুবু নহাক্কী সোসিএল মিদিয়া নেটৱার্কতগী অমসুং ইমেইলদা ব্লোক তৌশিনবসিনি। সোসিএল মিদিয়াগী নহাক্কী সেটিংশীং অদু চাশিহন্দুনা মীওই অদুবু ব্লোক তৌ। করিগুম্বা ওপসন অসি ফংদ্রবদি, নহাক্না ফোর্মেল কমপ্লেন্ট/ রিপোর্ট অমা সোসিএল নেটৱার্কিং সাইট অদুদা থাবা মথৌ তাগনি।

কমপ্লেন্ট নত্ত্রগা FIR অমা ফাইল তৌ

করিগুম্বা সোসিএল মিদিয়া প্লেটফোর্ম অদুনা মীৎয়েং চংবীদ্রবা নত্ত্রগা মখোয়গী ফিরেপশীং অদুদা পেন্দ্রবদি, নহাক্না ক্রিমিনেল কমপ্লেন্ট অমা লোকেল পুলিস ষ্টেসন নত্ত্রগা সাইবর ক্রাইম ইনভেষ্টিগেসন সেলদা ফাইল তৌবসু য়াই।

প্রাইভেট পিকচরশীং নহাক্কী অয়াবা য়াউদনা পোষ্ট তৌবা হায়বসি ক্রাইমনি হায়বসি ক্রাইমশীংগী (ইন্দিয়ান পেনাল কোদ, 1860) অমসুং ইনফোর্মেসন টেক্নোলোজিগী লো (দি ইনফোর্মেসন টেক্নোলোজি এক্ট, 2000)গী জেনেরেল লোশীংদা য়াউরিবা তোঙান-তোঙানবা প্রোভিজনশীংনা খংহল্লি।

• ইন্দিয়ান পেনাল কোদ 1860 সেক্সন 354A গী মখাদা সেক্সুএল হারাসমেন্ট অসি ক্রাইম অমা চিংই।
• অকাম্পেৎকী ওইবা মেটরিএলবু নুপী অমদা মশানা য়েংনিংদ্রবসু উৎপা  নত্ত্রগা য়েংহনবা হায়বসি সেক্সুএল হারাসমেন্টনি অমসুং ইন্দিয়ান পেনাল কোদকী মখাদা ক্রাইম অমনি হায়না লৌগনি। মসিগী চৈরাক অসি কৈশুমশংদা চহি অহুম ফাউবা থম্বা অমসুং/ নত্ত্রগা ফাইন অমা লৌবনি।
• অকাম্পেৎকী নত্ত্রগা অকাম্পেৎকী মচাক য়াউবা কন্টেণ্ট (sexually explicit content) অমা  থাবা হায়বসি ইনফোর্মেসন টেক্নোলোজি এক্টকী মখাদা ক্রাইম অমা ওই।
• অকাম্পেৎকী মেটরিএল নত্ত্রগা অকাম্পেৎকী থৌওং য়াউবা মচাকশীং ফোংবা নত্ত্রগা চাইথোকপা হায়বসি ইনফোর্মেসন টেক্নোলোজি লোগী মখাদা ক্রাইমনি হায়না লৌগনি।
• অকাম্পেৎকী মচাকশীং (obscene material) ফোংবা নত্ত্রগা চাইথোকপগী চৈরাক অসি চহি অহুম ফাউবা কৈশুমশংদা থম্বা অমসুং লুপা লাখ মঙাগী ফাইন অমা লৌবসিনি। করিগুম্বা মীওই অদু অমুক্তগী হেন্না ফাদোক তারুরবা (convicted) ওইরবদি, কৈশুমশংদা লৈবগী মতম অদু চহি মঙাদা অমসুং ফাইন অদুনা লুপা লাখ তরাদা হেনগৎহনবা য়াই। অকাম্পেৎকী ফিল্ম নত্ত্রগা মেগাজিনশীং (pornographic material) ফোংবা অমসুং চাইথোকপগী ওইনা, চৈরাক অসি কৈশুমশংদা চহি মঙা ফাউবা থম্বা অমসুং ফাইন ওইনা লুপা লাখ তরা লৌবা য়াই। করিগুম্বা মীওই অদু অমুক্তগী হেন্না ফাদোক তারুরবা ওইরবদি, কৈশুমশংদা লৈবগী মতম অদু চহি তরেত্তা হেনগৎপা অমসুং লুপা লাখ তরা ফাউবগী ফাইন লৌখৎপা য়াই।
• ইনফোর্মেসন টেক্নোলোজি লোগী মখাদা অসিগুম্বা ক্রাইমশীংগী ভিক্টিমশীং অদু নুপা নত্ত্রগা নুপী ওইবা য়াই।

সোর্স: ন্যায়া

মরি লৈনবা রিসোর্সশীং

1. ইনফোর্মেসন সেক্যুরিটি এৱারনেস
2. সাইবর সেক্যুরিটি গাইদলাইনস