মীরোনবী নুপী কাউন্সেলিং তৌবা

মীরোল্লিঙৈ মনুংদা চেক্সিনবা অমসুং অঙাং পোক্নবগী শেম-শাবা

• পোক্নবা মফম অমসুং পোকপা মতমদা এটেন্দেন্ট অমা লৈহনবা য়াউনা পোক্নবগী শেম-শাবা/মাইক্রো বার্থ প্লান।
• হোস্পিটালদা পোকপগী অহেনবা কান্নবা অমসুং য়ুমদা পোকপদা লৈগদবা রিস্কশীং।
• লেবরগী খুদমশীং অমসুং ওবষ্টেত্রিক কমপ্লিকেসনশীংগী খুদোংথীবগী খুদমশীং।
• কমপ্লিকেসনগী শেম-শাবা – প্রেগনেন্সি, লেবর অমসুং দেলিভরি মতুং/এবোর্সনগী মনুংদা লৈবা খুদোংথীবগী খুদমশীং মশক খংদোকপা।
• এন্তি নেতেল চেক-অপশীং অমসুং পোষ্ট নেতেল চেক-অপশীং লৌবগী কান্নবা।
• প্রেগনেন্সিগী মেদিকেল তর্মিনেসনগী মতমদা লৌগদবা চেক্সিন-থৌরাং।
• প্রেগনেন্সি মতমদা হকতিন্নবগী ইনফোর্মেসন।
• ফেমিলি প্লানিং প্রোমোত তৌবা।
• মেলেরিয়া প্রোফাইলেক্সিস অমসুং লাইয়েং।
• দাইট (ন্যুত্রিসন) অমসুং পোত্থাবগী মতাংদা পাউতাক।
• প্রেগনেন্সি মনুংদা মহাক্কী নোর্মেল দাইত অদুদগী হেন্না চানবা পাউতাক পীবা – মীরোনবী নুপী অমনা মহাক্কী হান্নগী দাইট অদুগী মথক্তা নোংমদা অহেনবা কিলো কেলোরি 300 মথৌ তাই অমসুং পোষ্ট-পার্টম মতমদা অহেনবা কিলো কেলোরি 500 মথৌ তাই।
• এনেমিয়া লৈবা নুপীশীংগী ওইনা অমুবা হৱাই, লৈবাক হৱাই, রাগি, হৱাই মপুম, শঙ্গোম, য়েরুম, শা অমসুং লোকেল ওইনা ফংবা চিঞ্জাকশীং য়াউনা প্রোতিন য়াম্না য়াউবা দাইট চাবগী মরুওইবা।
• ভিটামিন সি য়াউবা উহৈ-ৱাহৈ অমসুং মনা-মশীং মরাং কায়না চাবা (খুদম ওইনা, হৈনৌ, পুংতোল, কমল, অমসুং অথুম্বা চম্প্রা) মরমদি মখোয়সিনা আইরন চুপশীনবা হেনগৎহল্লি।
• চাক চারবা মতুং পুং অমগী মনুংদা চা নত্ত্রগা কোফি থক্তবা।
• খোং হাম্বা য়াদবা লৈতনবা ফাইবর য়াম্না য়াউবা দাইট চাবা।
• নুমিদাংদা পুং নিপাল তুম্বা অমসুং অয়ুক-নুংথিলদা পুং অনি অমগা পোত্থাবা অমসুং অকনবা থবক, মরুওইনা অরুম্বা পোৎ-চৈ থাঙ্গত্তবা।
• য়ু, মখল খুদিংমক্কী হিদাক মনা নত্ত্রগা লাইচুবা য়াবা দ্রগশীং হায়বদি কানিনা শেম্বশীং মীরোল্লিঙৈদা শিজিন্নদবা।
• ক্বালিফাই ওইরবা মেদিকেল প্রাক্টিসনর অমনা পীবা নত্ত্রবদি মেদিকেসন অমত্তা তৌদবা।

মীরোল্লিঙৈদা অহেনবা ন্যুত্রিসনগী মথৌ তাবা অখন্নবা কেটেগোরিগী নুপীশীংগী মনুংদা মখাগীসি চল্লি:

• লুম্বা য়ৌদবা নুপীশীং (কেজি 45গী মখা)
• মীরোল্লিঙৈদা মহৌশাগী লেভেলগী মথক্তা থবক শুবী নুপীশীং
• মবুক কংবা ইনখৎলক্লিবী নুপীমচাশীং
• মমাংগী অঙাং পোকখিবা মতুং চহি অনিগী মনুংদা মবুক কংবী নুপীশীং
• মল্টিপল প্রেগনেন্সি লৈবা নুপীশীং
• HIV পোজিটিভ ওইবী নুপীশীং

খোম পীথকপা

• খোম পীথকপা অদু মরুওইনা কোলোষ্ট্রম ফিদিং অঙাং পোক্লবা মতুং পুং অমগী মনুংদা হৌবা।
• প্রি-লেক্তেল ফিদ অমত্তা পীদবা।
• অঙাং অদু থবাক্কা ফজনা নপশিনবা।
• অঙাং অদু থা তরুক্তি খোম পীথকপা।

নৌনা পোকপা অঙাংগী চেক্সিন-থৌরাং

• অঙাং অদু লুম্বু-লুম্বু শাবা, শ্বর নোর্মেল ওইনা হোনবা অমসুং মখোম থকপ্রা য়েংবা অমসুং কোর্দ অদু শেংনা লৈব্রা য়েংবা।
• হেলথ ফেসিলিটিদগী দিসচার্জ তৌদ্রিঙৈ মমাংদা অঙাং অদুদা BCG/ OPV-0/ হেপাটাইটিস B-0 ভেক্সিনশীং পীবা।
• নাউফম মরি, উনশা অমসুং মিৎ অদু চেকশিন্না য়েংশিনবা।
• মখোম পীথকপা মতমদা ফজনা চুপ্রা য়েংবা।
• নৌনা পোক্লিবা অঙাং অদু খুদোংথীবা সাইনশীং লৈব্রা য়েংবা।
• মমা অমসুং ইমুংগী মীওই পুম্নমক্তা ইম্মুনাইজেসন তৌনবা পাউতাক পীবা।

নৌনা পোকপা অঙাংশীংগী খুদোংথীবা য়াবা খুদমশীং – খুদক্তা চেক্সিন থৌরাং লৌখৎলু:

• করিগুম্বা অঙাং অদু ফজনা মখোম থক্ত্রবা
• করিগুম্বা অঙাং অদু লাইহৌ তৌরবা নত্ত্রগা শোকপদা ঈংলবা
• শ্বর য়াংনা হোল্লবা
• শ্বর হোনবদা ৱারবা
• অমাংবদা ঈ য়াউরবা
• খুবাক অমসুং খোংনিং অদু নাপু মচু ওইরবা
• মসল চিংলক্লবা

সোর্স : গাইদবুক ফোর এনহান্সিং পর্ফোমেন্স ওফ মল্টি-পর্পোজ ৱার্কর (ফিমেল)