পন্দিট দিনদয়াল উপাধ্যায় শ্রমেব জয়টে কার্য্যক্রম

মরুওইবা ইলিমেন্টশীং

• দেদিকেটেদ শ্রম সুবিধা পোর্টেল অমা: মসিনা য়ুনিট লাখ 6 লোমদা লেবর আইদেন্টিফিকেসন নম্বর (LIN) পীগনি অমসুং মখোয়বু লেবর লো 44 গী মনুংদা 16কী ওনলাইন কমপ্লাইএন্স ফাইল তৌবা য়াহনগনি।
• ওল-নিয়ু রেন্দম ইন্সপেক্সন স্কিম অমা: ইন্সপেক্সনগীদমক য়ুনিটশীং খনবদা হ্যুমেন দিস্ক্রিসন লৈহন্দনবা টেক্নোলোজি শিজিন্নবা, অমসুং পুং 72গী মনুংদা ইন্সপেক্সন রিপোর্টশীং অদু শুংশোয় শোয়দনা অপলোদ তৌগনি।
• য়ুনিভর্সেল একাউন্ট নম্বর: মসিনা ইমপ্লোয়ি ক্রোর 4.17বু মখোয়গী প্রোভিদেন্ট ফন্দ একাউন্ট অদু পোর্টেবল, অপন-অরাক লৈতবা অমসুং য়ুনিভর্সেল ওইনা এক্সেস তৌবা য়াবা ওইহল্লি।
• এপরেন্টিস প্রোটসাহন যোজনা: এপরেন্টিসশীংদা মখোয়গী ত্রেনিংগী অহানবা চহি অনিদা পীখিবা ষ্টাইপেন্দগী 50% রিইম্বর্স তৌদুনা, মরুওইনা মেন্যুফেকচরিং য়ুনিটশীং অমসুং অতৈ ইষ্টাব্লিসমেন্টশীং সপোর্ট তৌগনি।
• নৌনা শেমদোক্লবা রাষ্ট্রিয় স্বাস্থা বিমা যোজনা: অনওর্গানাইজ সেক্টরগী শিন্মীশীংগীদমক, অহেনবা সোসিএল সেক্যুরিটি স্কিম অনিগা কোন্ননা সিদ তৌরবা স্মার্ট কার্দ অমা নৌনা পীরে।

শ্রম সুবিধা পোর্টেল

য়ুনিফাইদ ৱেব পোর্টেলগী পান্দমদি, লেবর ইন্সপেক্সন অমসুং মসিগী এনফোর্সমেন্ট অসি হেন্না মপাঙ্গল কনখৎহন্দুনা মসিনা ইন্সপেক্সনশীংদা ত্রান্সপরেন্সি অমসুং একাউন্টেবিলিটি লৈহনবনি। কমপ্লাইএন্সশীং অসি সিঙ্গল হার্মোনাইজ ফোর্মদা রিপোর্ট পীবা য়াগনি অমসুং মসিনা অসিগুম্বা ফোর্মশীং মেল্লিবা মীওই অদুবু হেন্না লায়থোকহনগনি। পর্ফোমেন্স অদু কি ইন্দিকেটরশীং শিজিন্নদুনা ইভাল্যুএসন প্রোসেস অদু ওবজেক্টিভ ওইহন্দুনা, মোনিটর তৌগনি। পোর্টেল অসিদা ইফেক্টিভ ওইবা গ্রিভান্স রিদ্রেসেল সিষ্টেম অমসু লৈ। মসিনা কমন ওইবা লেবর আইদেন্টিফিকেসন নম্বর (LIN) অমা ইমপ্লিমেন্ট তৌরিবা এজেন্সি পুম্নমক্না শিজিন্ননবা প্রোমোট তৌই।

পোর্টেল অসিগী মরুওইবা ফিচর 4 অদু মখাদা পীরি:

1. ওনলাইন রেজিষ্ট্রেসন ঙমহন্নবা য়ুনিক লেবর আইদেন্টিফিকেসন নম্বর (LIN) অসি য়ুনিটশীংদা পীগনি।
2. সেলফ-সর্টিফাই তৌরবা অমসুং সিমপ্লিফাই তৌরবা সিঙ্গল ওনলাইন রিটর্ন অসি ইন্দষ্ট্রিনা মেনশীনগনি। হৌজিক্তি, তোঙান-তোঙানবা রিটর্ন 16 মেন্সিনবগী মহুত্তা য়ুনিটশীংনা সিঙ্গল কন্সোলিদেটেদ রিটর্ন অসি ওনলাইন ওইনা মেন্সিনলগনি।
3. ইন্সপেক্সন রিপোর্টশীং অসি লেবর ইন্সপেক্টরশীংনা পুং 72গী মনুংদা অপলোদ তৌবা হায়বসি তঙাইফদবা অমনি।
4. পোর্টেল অসিগী মতেংগা লোয়ননা গ্রিভান্সশীং মতম চানা কোকহনগনি।

মথক্তা পীরিবশীং অসিনা লেবরগা মরি লৈনবা প্রোভিজনশীংগী কমপ্লাইএন্সতা কোমথোকহনগনি অমসুং মসি ব্যুজিনেস তৌবদা লায়থোকহনববু প্রোমোট তৌবগী মাংলোমদা চংশীনবা খোংথাং অমা ওইরগনি। য়ুনিফাইদ পোর্টেলদা সেন্ত্রেল্লি ওইনা ফংলিবা মপুংফাবা দেটাবেজ অদুনা ইনফোর্ম তৌরবা পোলিসি প্রোসেসতা হাপচিনগনি। পোর্টেল অসি চিফ লেবর কমিসনর, দাইরক্টোরেট জেনেরেল ওফ মাইন্স সেফটি, ইমপ্লোয়ি প্রোভিদেন্ট ফন্দ এন্ড ইমপ্লোয়িজ ষ্টেট ইন্সুরেন্স কোরপোরেসন হায়রিবা সেন্ত্রেল ওর্গানাইজেসন 4 অসিদা ওপরেটিভ ওইগনি। মিনিষ্ট্রিনা নৌনা পায়খৎলিবা খোংথাং অসিদা, ওর্গানাইজেসনশীং অসিগী য়ুনিট লাখ 11গী মপুংফাবা ইনফোর্মেসন অসি খোমজিল্লে, দিজিটাইজ তৌরে অমসুং দি-দুপ্লিকেটে তৌদুনা অপুনবা মশীং অসি লাখ 6-7 দা হন্থহল্লে।  য়ুনিট লাখ 6-7 অসিদা LIN পীনবা প্রষ্টাবসু তৌরি।

অহেনবা ইনফোর্মেসনগীদমক্তা, http://efilelabourreturn.gov.in/uwp/home# দা য়েংবীয়ু।

লেবর ইন্সপেক্সন স্কিম

হৌজিক ফাউবদি, ইন্সপেক্সনগী য়ুনিটশীং অসি ওবজেক্টিভ ক্রাইটেরিয়া অমত্তা য়াউদনা লোকেল ওইনা খল্লি। লেবর ইন্সপেক্সনদা ত্রান্সপরেন্সি পুরক্নবা, ত্রান্সপরেন্ট ওইবা লেবর ইন্সপেক্সন স্কিম অমা শেমগৎলে। ইন্সপেক্সন স্কিমগী ফিচর মরি অদু মখাদা পীরি:

1. মরুওইবা থবকশীংদি তঙাইফদবা ইন্সপেক্সন লিষ্ট অদুদা হাপচিনগদবনি।
2. মাংজৌননা লেপ্লবা ওবজেক্টিভ ক্রাইটেরিয়া অদুদা য়ুম্ফম ওইদুনা কম্প্যুটরাইজ তৌরবা ইন্সপেক্সনগী লিষ্ট অমা রেন্দম ওইনা জেনেরেট তৌগনি।
3. কমপ্লেন্টশীংদা য়ুম্ফম ওইবা ইন্সপেক্সনশীংসু দেটা অমসুং ইভিদেন্সতা য়ুম্ফম ওইদুনা য়েংশিল্লবা মতুংদা সেন্ত্রেল্লি ওইনা লেপকনি।
4. অকক্নবা ফিভমশীংগী সেরিয়স ওইবা কেসশীংগী ইন্সপেক্সনগীদমক্তি ইমর্জেন্সি লিষ্টকী প্রোভিজন লৈগনি।

ত্রান্সপরেন্ট ওইবা ইন্সপেক্সন স্কিম অমনা কমপ্লাইএন্স মেকানিজমদা মশা মশানা অপাম্বা পাংথোকপদগী (arbitrariness) থীংবা ঙমগনি।

ইমপ্লোয়িজ প্রোভিদেন্ট ফন্দগীদমক য়ুনিভর্সেল একাউন্ট নম্বর (UAN)গী খুত্থাংদা পোর্ট তৌবা

স্কিম অসিগী মখাদা, EPFকী সবস্ক্রাইবর চাউরাক্না ক্রোর 4 মুক্কী মপুংফাবা ইনফোর্মেসন অসি সেন্ত্রেল্লি কম্পাইল তৌরে অমসুং দিজিটাইজ তৌরে অমসুং মখোয় পুম্নমক্তা UAN অমা পীরি। সমাজদা লৈবা শোত্থরবা সেক্সনগী ফাইনান্সিএল ইনক্লুজন অমসুং মখোয়গী য়ুনিক আইদেন্টিফিকেসনগীদমক  UAN অসি বেঙ্ক একাউন্ট অমসুং আধার কার্দ অমসুং অতৈ KYC গী অকুপ্পা মরোলশীংগা লোয়ননা সিদ তৌরে। মসিনা সোসিএল সেক্যুরিটিগী বেনিফিটশীং অসি ওর্গানাইজ তৌরবা সেক্টরগী লেবরগী জোবশীংগী মরক্তা অমসুং লৈফমগী মরক্তা পোর্টেবিলিটি শোয়দনা লৈহনগনি। হৌজিক্টি ইমপ্লোয়িগী EPF একাউন্ট অসি থাগী ওইনা অপদেট তৌরগনি অমসুং চপ মান্নবা মতমদা নুপা/নুপী অদুদা SMSকী খুত্থাংদা পাউ পীগনি। অরোয়বা ওইনা, মসিনা ক্রোর 4 নত্ত্রগা মসিদগী হেনবা EPF একাউন্ট হোল্ডরশীংনা মখোয়গী EPF একাউন্টশীংদা দাইরেক্ট এক্সেস তৌবা ঙমহনগনি অমসুং মখোয়গী হান্নগী একাউন্ট পুম্নমকপু (হৌজিক্কী ওইনা, চাউরাক্না লুপা ক্রোর 27000মুক্তি EPFOগী ইনওপরেটিভ একাউন্টশীংদা তাদুনা লৈরি)। ইমপ্লোয়িশীংগী মিনিমম পেন্সন অসি, মখোয়গী পেন্সন অদু থা অমদা লুপা 1000 দগী হন্থদনবা অহানবা ওইনা হৌদোক্লি। খুৎশুমলগী সিলিং অসি, শোত্থরবা কাংলুপশীংবু EPF স্কিমগী মখাদা কোনশিনবা য়ানবগীদমক থা অমদা লুপা 6500 দগী 15000 দা হেনগৎহনখ্রে।

ITIশীংগী ব্রান্দ এম্বেসেদরশীংগী রিকগনিসন

লৈবাক অসিদা লৈরিবা ইন্দষ্ট্রিএল ত্রেনিং ইনষ্টিট্যুটশীং (ITIs) অসি, মেন্যুফেকচরিং ইন্দষ্ট্রিদা স্কিল লৈরবা মেনপাৱর সপ্লাই তৌনবগী অমত্তা ঙাইরবা সোর্স ওইরিবা ভোকেসনেল ত্রেনিং সিষ্টেমগী য়াংলেন শরুনি। লৈবাক অসিদা সিট লাখ 16 রোম লৈবা ITI মশীং 11,500 লৈরি। অদুবু, ভারতকী ইন্দষ্ট্রিদা স্কিল লৈরবা মেনপাৱ সপ্লাই তৌনবগীদমক মতিক চাদে। থবক শুরিবা মীওইশীংগী 10% খক্তনা ফোর্মেল নত্ত্রগা ইনফোর্মেল ত্রেনিং ফংবা ওইরি। মসিগী মনুংদা শরুক মরি থোকপগী অমখক্তনা ফোর্মেল ওইবা ত্রেনিং ফংলবা মীওইশীং ওইরি। মসি নত্তবা অতোপ্পা চাউরবা খল মান্নদবা অমসু লৈরি। অন্দরগ্রেজুএট ইঞ্জিনিয়ারিং কোলেজশীংগী মিং চন্দুনা লৌবগী কেপাসিটি অসি ভারত্তা লাখ 16তগী হেল্লি অমদি মসি ITIশীংগী সিটিং কেপাসিটিগা চাউরাক্না মান্নৈ।

মহৌসাগী ওইবা মওং অমদা, এজুকেসন সিষ্টেমদগী পাস তৌদুনা থোক্লকপশীংনা মখোয়গী অহানবা চোইজ অমগুম্না ITIশীংদা মীং চন্দে। অয়াম্বা ছাত্রশীংনা মখোয়গী হায়র এজুকেসন তম্নবগী অতোপ্পা ওপশন পুম্নমক লোয়রবা মতুংদা ITIদা চংলকই। মসিগী মরমদি ব্লু কলর ৱার্কশীং অসি সমাজদা ইকাই খুম্নদে অমসুং পাম্নদে। ইন্দষ্ট্রিদা স্কিলগী মথৌ তাবশীং মেনখৎনবা অমসুং নহারোলশীং হেন্না থবক পীনবগী পান্দমদা, ভোকেসনেল ত্রেনিংগী ইকাইখুম্নবা হেনগৎহন্দুনা নহারোলশীং হেন্না পুক্নিং চিংশিনবা তাই।

চহি 60 হেন্না লৈরকপসিদা, ITIশীংনা হেন্দোক থোইদোক্লবা টেক্নিসিয়নশীং, মেকানিকশীং, এন্ত্রিপ্রেন্যুওরশীং অমসুং প্রোফেসনেল লিদরশীং পুথোকখ্রে। মায়পাক্লিবা অসিগী মরুওইবা তুংনফম অসি মেন্যুফেকচরিং সেক্টর অসিনি। মখোয়না লৈবাক অসিদা অমসুং মসিগী মপান্দা মিংচৎ পুরক্লি। মায়পাক্লিবশীং অসিগী ৱারিশীং অসি খোমজিন্দুনা প্রিন্ট অমসুং ইলেক্ট্রোনিক্কী মওংদা পুথোক্নবা প্রষ্টাব তৌরি। মায়পাকপগী ৱারিশীং অসিনা নহারোলশীং অমসুং মখোয়গী মমা-মপাশীংবু পুক্নিং ওলহনবদা শীজিন্নগনি। মায়পাক্লবা ITI গ্রেজুএটশীং অসি ভোকেসনেল ত্রেনিংগী নেসনেল ব্রান্ড এম্বেসেদরশীং ওইনা প্রোজেক্ট তৌগনি। মসিবু ITI ভোকেসনেল ত্রেনিংগী পাউজেল অসি সমাজগী সেক্সন খুদিংমক্কী মফমদা পুনবগি কম্যুনিকেটর অমসুং কেটালিষ্ট ওইনা লৌগনি।

ওল ইন্দিয়া স্কিল কম্পিটিসন

মিনিষ্ট্রি ওফ লেবরনা ত্রেনি ক্রাফটসমেন/ এপরেন্টিসশীংগী মরক্তা কম্পিটিসন তৌনবগী অফবা ৱাখল পোকহন্নবগীদমক কম্পিটিসনশীং শিল্লি। মায়পাক্নবগী অনিংবনা স্কিলশীংগী সংসারদা চাউথোকচবা পুরকই, হেন্না ওর্গানাইজ ওইহন্নবগীদমক থবক শুবগী হৈনবশীং হোংলক্লিবসি হেন্না ফগৎহল্লি, পান্দমশীং ফংনবগী পান্দম শেম্বা অমসুং হেন্না ফবা ক্বালিটি ৱার্ক লৈহনবদা মতেং পাংই। মখোয় অদু মখাদা পীরি:

1. ক্রাফটসমেন ত্রেনিং স্কিম (CTS)গী মখাদা মীংচল্লবা ত্রেনিশীংগী মরক্তা ওল ইন্দিয়া স্কিল কম্পিটিসন ফোর ক্রাফটসমেন পাংথোকই। মসি চহি অমদা অমুক্তং পাংথোকই। ত্রেনিশীংনা স্কিল কম্পিটিসনদা ফংবা মার্কশীংদা য়ুম্ফম ওইদুনা, এৱার্দ অসি বেষ্ট ক্রাফটসমেন – শেলগী মনা অমসুং মেরিট সর্টিফিকেট, বেষ্ট ইনষ্টিট্যুট – মেরিট সর্টিফিকেট অমা অমসুং বেষ্ট ষ্টেট – চুঙ্গোই অমা (a shield) পীগনি।
2. এপরেন্টিসশিপ ত্রেনিং স্কিম (ATS)গী মখাদা মীংচল্লবা ত্রেনিশীংগী মরক্তা ওল ইন্দিয়া কম্পিটিসন ফোর এপরেন্টিস অসি পাংথোকই। মসি চহি অমদা অনিরক পাংথোকই। এৱার্দ অসি বেষ্ট এপরেন্টিস – লুপা 50,000 গী শেলগী মনা অমসুং মেরিট সর্টিফিকেট অমা অমসুং রন্নর অপ এপরেন্টিস – লুপা 25000গী শেলগী মনা অমসুং ত্রেদ খুদিংমক্কী মেরিট সর্টিফিকেট, অমসুং ইন্দিয়া পুম্বগী ওইনা বেষ্ট ইষ্টাব্লিসমেন্ট – ভারতকী প্রেসিদেন্টনা পীবা ত্রোফি অমসুং সর্টিফিকেট অমা পীগনি।

কম্পিটিসন্না কোনশিল্লিবা ত্রেদশীং: কম্পিটিসন অনিমক ত্রেদ 15দা পাংথোকই, মখোয় অদুদি, ফিটর, টরনর, মেছিনিষ্ট, ৱেল্ডর (G&E), মেকানিক (মোটোর ভেহিকল), মেকানিক (দিজেল), ইনষ্ট্রুমেন্ট মেকানিক, দ্রাফসমেন (সিভিল), ইলেক্ট্রিসিয়ান, ইলেক্ত্রোনিক মেকানিক, কটিং এন্ড সিৱিং, ফাউন্দরি মেন, কম্প্যুটর ওপরেটর এন্ড প্রোগ্রামিং এসিষ্টেন্ট (COPA) অমসুং রেফ্রিজরেসন এন্ড এয়র কন্দিসনিং মেকানিক অসিনি।

এপরেন্টিসিপ প্রোটসাহন যোজনা

দি এপরেন্টিস এক্ট 1961 অসি এপরেন্টিসশীংদা ওন-দি-জোব ত্রেনিং অসি পিনবগীদমক ইন্দষ্ট্রি অসিদা এপরেন্টিসিপ ত্রেনিং স্কিম অসি রিগুলেট তৌনবা পাস তৌখিবনি। হৌজিক্কী ওইনা, সিট লাখ 4.9 লৈবদা এপরেন্টিস লাখ 2.82 খক্তনা ত্রেনিং চত্থরি।  .

এপরেন্টিসিপ স্কিম অসি নহারোল মশিং কয়াবু থবক পীনবগীদমক্তা ত্রেনিং পীনবগী অচৌবা পোটেন্সিএল লৈ। এপরেন্টিসকী মশীং অসি মিলিয়ন 3, মিলিয়ন 20 অমসুং মিলিয়ন 10 মথংশিৎনা লৈরিবা জর্মনি, চিনা অমসুং জাপানগুম্বা লৈবাকশীংদা মসিগা মান্নবা স্কিম কয়াদি য়াম্না মায়পাক্লে।

হৌজিক্কী ফ্রেমৱার্ক অসিনা এপরেন্টিসশীংগী মশীং অসি ত্রেদকী মতুংইন্না য়াম্না চেকশিন্না রিগুলেট তৌই, অমসুং মসি ষ্টাইপেন্দ নেম্বনা মরম ওইদুনা নহারোলশীংগী পুক্নিং চিংশিনবা ঙমদে। মখাতানা, স্কিম অসি অপিকপা ইন্দষ্ট্রিশীংগী ওইনসু চৎনবা য়াবা ওইদবনা মরম ওইদুনা ইন্দষ্ট্রি অসিসু শরুক য়াবা য়াদে। MSMEশীং য়াউনা ত্রেনিংগী খুদোংচাবা পীরিবা ইষ্টাব্লিসমেন্ট মশীং কয়ামুক লৈরি অদুবু হৌজিক ফাউবা মখোয়বু মপুংফানা শিজিন্নবা ঙমদ্রি।

মথংগী চহি খরা অসিদা এপরেন্টিসিপ সিটশীং অসি লাখ 20দগী হেন্না হেনগৎহন্নবগী মীৎয়েংগা লোয়ননা ভারত্তা এপরেন্টিশিপ স্কিম অসি অমুক হন্না শেমদোক-শেমজিন তৌনবা অচৌবা থৌরাং অমা ইন্দষ্ট্রি, ষ্টেট অমসুং অতৈ ষ্টেকহোল্ডরশীংগা পাক-চাউনা খন্নদুনা পাংথোকখ্রে। থৌরাং অসিগী কম্পোনেন্ট মরি লৈ। মখোয় অদু মখাদা পীরি:

1. লিগেল ফ্রেমৱার্ক অসি ইন্দষ্ট্রি অমসুং নহারোল অনিমক্কী ওইনা চুনবা ওইহনবা। এক্ট অসিবু শেমদোকপগী মথৌ তাবা বিল অদু পুথোকখ্রে অমসুং 14.8.2014দা লোক সভাদা পাস তৌখ্রে।
2. ষ্টাইপেন্দগী চাং হেনগৎহনবা অমসুং মসি সেমি-স্কিলগী শিন্মীশীংগী মিনিমম ওইবা খুৎশুমলশীংগা পুন্সিন্নবা (indexing)।
3. এপরেন্টিস প্রোটসাহন যোজনানা, মরুওইনা মেন্যুফেকচরিং য়ুনিটশীং অমসুং অতৈ ইষ্টাব্লিসমেন্টশীংবু এপরেন্টিসশীংদা মখোয়গী অহানবা চহি অনিদা পীখিবা ষ্টাইপেন্দ অদুগী 50% রিইম্বর্স তৌদুনা সপোর্ট পীগনি।
4. করিকুলা অদুগী বেসিক ত্রেনিং কম্পোনেন্ট (মরুওইনা ক্লাস রুমগী ত্রেনিং শরুক) অদু হেন্না ইফেক্টিভ ওইনবা সাইন্টিফিক প্রিন্সিপলশীংদা শেমদোক্লি, অমসুং MSMEশীংবু কম্পোনেন্ট অসি গবর্ণমেন্টনা ফন্দ থাদরিবা SDI স্কিমদা পর্মিসন পীদুনা ফাইনান্সিএল ওইবা মওংদা সপোর্ট তৌগনি।

সোর্স: প্রেস ইনফোর্মেসন ব্যুরো