ন্যুক্লিয়র অমসুং রেদিওলোজিকেল দিজাষ্টর

ইনফোর্মেসন

• পাৱর জেনেরেসন, মেদিসিন, ইন্দষ্ট্রি, এগ্রিকলচর, রিসর্চ অমসুং দিফেন্সকী লমদা ন্যুক্লিয়র সাইন্স অমসুং টেক্নোলোজি শিজিন্নরকপা হেনগৎলকপনা ন্যুক্লিয়র অমসুং রেদিওলোজিকেল এমর্জেন্সিশীং লৈরকপগী রিস্ক হেনগৎহল্লকই।
• ভারত অসি মহৌশানা, মসিগী তোপ-তোপ্পা জিও-ক্লাইমেটিক কন্দিসনশীংনা মরম ওইদুনা নেচরেল দিজাষ্টরশীং থোক্কনবা মফম ওইরি, অমসুং মসি পৃথীবীদা লৈবা অতৈ লৈবাক পুম্নমক্কুম্না মীওইবনা থোকহনবা দিজাষ্টরশীংগীসু (man-made disasters) চপ মান্ননা খুদোংথীবা নংবা লৈবাক ওইরক্লি।
• শীন্মীশীং নত্ত্রগা মীয়াম্বু মরি লৈনবা পর্মিসিবল লিমিট অদুদগী কা-হেনবা এক্সপোজর অমসুং/ নত্ত্রগা কন্টামিনেসন থোকহনবা ঙম্বগী রেদিএসন ইনসিদেন্ট অমনা ন্যুক্লিয়র/ রেদিওলোজিকেল এমর্জেন্সি অমা থোকহনবা ঙম্মী।
• হিরোসিমা অমসুং নাগাসাকিদা থাদখিবা ন্যুক্লিয়র খুৎলায়শীং শিজিন্নখিবগী নুংঙাইতবা নিংশিং-ৱাখলশীং, অমসুং USAদা লৈবা থ্রি মাইল আইলেন্দ (TMI) অমসুং হান্নগী USSRদা লৈবা চেরনোবাইলদা লৈবা রিএক্টর এক্সিদেন্টশীংদা পীখিবা পব্লিসিটিনা মরম ওইদুনা, ন্যুক্লিয়র এমর্জেন্সি নত্ত্রগা দিজাষ্টরশীং অসিগী মতাংদা মীয়ামদা লৈরিবা ৱাখল্লোন অসি মতম পুম্নমক্তা, লাল্লবসু লান্না, থৌদোকশীং অসিখক্তগা মরি লৈননা উই। অসিগুম্বা ফিভমশীং অসি অমুক হান্না কোম্না হঞ্জিল্লকওইদবা ওইরবসু, অনেম্বা মেগ্নিচুদকী ওইবা ন্যুক্লিয়র/ রেদিওলোজিকেল এমর্জেন্সিশীং থেংননবা মীওই খুদিংনা শেম-শাবা তাই অমসুং অসিগুম্বা এমর্জেন্সি (হেন্না ৱাংবা পোপ্যুলেসন দেন্সিটি অমসুং ইকোনোমিক প্রোসপরিটিনা মরম ওইদুনা হেন্না ফগৎপা ইনফ্রাষ্ট্রকচর লৈরকপনা, অপিবা মেগ্নিচুদ অমগী ওইনা ইম্পেক্ট অসি হান্নদগী কা-হেন্না চাউরগনি) অমগী ইম্পেক্ট অসি মতম পুম্নমক্তা কন্ত্রোল তৌদুনা থমগদবনি।
• সমাজ অসিদা পুন্সিগী মগুন হেন্না ফগৎহন্নবগীদমক, ভারতনা ইলেক্ট্রিসিটি পুথোক্নবগীদমক ন্যুক্লিয়র এনর্জি শীজিন্ননবগী অচৌবা প্রোগ্রাম অমা শেম্লি। ঙসি ফাউবদা, ভারত্তা রিসর্চ রিএক্টর মঙাগা লোয়ননা পাৱর রিএক্টর 17  চলাইরি অমসুং অতোপ্পা পাৱর রিএক্টর তরুক অমসু শেমগৎলি। হেনগৎলক্লিবা এনর্জিগী মথৌ তাবশীং অসি মেনখৎপা ঙম্নবগীদমক থোরিয়মদা য়ুম্ফম ওইবা রিএক্টরশীং লিংখৎননবা প্লানসু তৌরি। মখা তানা, লৈবাক অসিনা নন-পাৱর সেক্টর, হায়বদি ইন্দষ্ট্রি, এগ্রিকলচর, মেদিসিন, রিসর্চ, অসিনচিংবদা রেদিও আইসোটোপশীং অসি এপ্লিকেসন কয়াদা শিজিন্নরি। ইনহেরেন্ট সেফটি কলচরনা (inherent safety culture) মরম ওইদুনা, এপ্লিকেসনশীং অসিদা খ্বাইদগী ফবা সেফটি প্রেক্টিস অমসুং ষ্টেন্দর্দশীং ইল্লি অমসুং এটোমিক এনর্জি রিগুলেটরি বোর্দনা পীবা ইফেক্টিভ ওইবা রিগুলেসন অদু, হায়বদি ন্যুক্লিয়র/ রেদিএসন ফেসিলিটিশিংদা থবক শুরিবা মীওইশীংনা এক্সপোজ তৌরিবা রেদিএসন দোজ অদু, অয়াবা পীরবা লিমিটশীংগী মনুংদা ওই অমসুং মসিনা পব্লিক দোমেইনদা পীরিবা ইম্পেক্টকী রিস্ক অসি য়াম্না নেম্মী।
• অদুম ওইনমক, ন্যুক্লিয়র এমর্জেন্সিশীং অসি ওপরেটিং এজেন্সিশীংগী কন্ত্রোল ৱাংমদা লৈবা ফেক্টরশীংনা মরম ওইদুনা থোকহনবা য়াই; খুদম ওইনা, হ্যুমেন এরর, সিষ্টেম ফেলর, সেবোটেজ, আর্থক্বেক, সাইক্লোন, ফ্লদ (ঈচাউ), অসিনচিংবসিনি। অসিগুম্বা ফেলরশীং অসি থোক্লকপগী ওইথোকপা য়াম্না নেম্লবসু, মসিনা ওন-সাইট নত্ত্রগা ওফ-সাইট এমর্জেন্সি অমা লৈহল্লকপা য়াই। মসিবু থেংননবা, অমদি পুন্সি, লিভিলিহুদ, প্রোপর্টি মাংবা অমসুং অকোয়রোন্দা পীবা ইম্পেক্ট হন্থহনবা ঙমহন্নবা, চুনবা এমর্জেন্সি প্রিপ্যার্দনেস লৈবা তাই।

তৌগদবা অমসুং তৌরোইদবশীং

অকোয়রোন্দা রেদিওএক্টিভিটি চাং য়াম্না থাদোরকহনগদবা, ন্যুক্লিয়র ফেসিলিটিশীংদা অচৌবা এক্সিদেন্ট অমা থোকপগী ওইথোকপা নেম্না লৈ হায়বসি ঐখোয়না মতম পুম্বদা থাজৈ। অদুম ওইনমক, অকোয়রোন্দা অচৌবা চাংদা থাদোরকপগী থৌদোক লৈরবদি, কাউন্টরমিজরশীং খোংলৈ থুনা অমসুং ইফেক্টিভ ওইনা লৌখৎপনা মীয়ামদা পীগদবা রেদিওলোজিনা পীবা ফলশীং (radiological consequences) অদু হন্থহনবা ঙমগনি।

ন্যুক্লিয়র/ রেদিওলোজিকেল এমর্জেন্সিশীংগীদমক শেম-শাবা

• ন্যুক্লিয়র এমর্জেন্সিশীং থেংনবা হায়বসিদা ন্যুক্লিয়র ফেসিলিটি অদুগী তোঙান-তোঙানবা সর্ভিস গ্রুপশীংগী মরক্তা কোওর্দিনেসন লৈনবা মথৌ তাই। করিগুম্বা পব্লিক দোমেইনদা রেদিওলোজিনা পীবা ফলশীং লৈবা তারবদি, লেভেল অহুমদা লৈরিবা ওথোরিটি পুম্নমক্না, হায়বদি দিষ্ট্রিক্ট, ষ্টেট অমসুং সেন্ত্রেল অসিনা য়াম্না মরুওইবা থৌদাং অমা লৌগনি।

ন্যুক্লিয়র পাৱর প্লান ওপরেটরশীংগী মরুওইবা দায়ত্বশীং

• মসিগী মনুংদা এমর্জেন্সি অমবু খুদক্তা ক্লাসিফাই তৌনবা থৌরাংশীং, এমর্জেন্সি অদুগী খুদোংথীবা হন্থহনবা, ইন্টরনেসনেলগী গাইদলাইনশীংগী মতুংইনবা প্রোটেক্টিভ এক্সনশীং ওফ-সাইটতা রেকমেন্দ তৌবা অমসুং লাউথোকপা, ওন-সাইটতা লৈবা মীওইশীংবু ঙাক-শেনবা, ওফ-সাইট এসিষ্টেন্স লৌবা, শোকহল্লবা মফম অদুগী এনভাইরনমেন্টেল মোণিটরিং পাংথোকপা অমসুং মীয়ামদা পাউ য়ৌহনবদা ওফ-সাইট ওফিসিএলশীংবু মতেং পাংবা হায়রিবশীংসি য়াউরি।

ওফ-সাইট ওফিসিএলশীংগী মরুওইবা দায়ত্বশীং

• মসিগী মনুংদা, শোকহল্লবা এরিয়া অদুদা প্রোটেক্টিভ এক্সন অমসুং কাউন্টরমিজরশীং খোংলৈ থুনা পায়খৎনবগী মথৌ তাবা এরেঞ্জমেন্টশীং য়াউরি।

ন্যুক্লিয়র পাৱর প্লান্টশীংগীদমক পায়খৎকদবা এমর্জেন্সি প্রিপ্যার্দনেস (Emergency Preparedness for Nuclear Power Plants)

• কাউন্টরমিজরশীং মওং চুম্না ইমপ্লিমেন্ট তৌবনা এমর্জেন্সি সিচুএসন অমগী ফলশীং মশক থোক্না হন্থহনবা ঙম্বা মরম্না, ন্যুক্লিয়র ফেসিলিটি পুম্নমক্তা কম্প্রেহেন্সিভ এমর্জেন্সি প্রিপ্যার্দনেস প্লান অমা লৈহনবা হায়বসি তঙাইফদবা অমা ওইহল্লি। ন্যুক্লিয়র ফেসিলিটি অমা চলাইনবগী লাইসেন্স পীদ্রিঙৈ মমাংদা, প্লান্ট, ওন-সাইট অমসুং ওফ-সাইট হায়রিবা এমর্জেন্সিগী মপুং ওইবা মখল অহুম অসিগী এমর্জেন্সি রেস্পোন্স মেন্যুএল শোয়দনা লৈরব্রা অমসুং অসিগুম্বা মখলগী এমর্জেন্সিশীং অসি থেংননবা প্লানশীং মফম চানা লৈরব্রা হায়বদু AERBনা কুপ্না য়েংশিল্লি। ন্যুক্লিয়র ফেসিলিটিশীংগী ওপরেটরশীংনা, এক্সিদেন্টগী তোঙান-তোঙানবা কন্দিসনশীংদা থাদোরক্কদবা রেদিওএক্টিভিটিগী মখল অমদি চাং, অমসুং মদুনা এনভাইরনমেন্টতা কদাইফাউবা শন্দোরকপা ঙম্বগে হায়বগী এসেসমেন্ট অমা শেম্বা তাই।

প্লান্ট এমর্জেন্সি অমা হেন্দল তৌবা (Handling a Plant Emergency)

মহৌশাগা মান্নদবা ফিভম (abnormal situation) অমগী রেদিওলোজিকেল কন্সিক্যুএন্স অদুনা প্লান্ট বাউন্দরি নত্ত্রগা প্লান্ট অদুগী সেক্সন অমদা নৈশিন্দুনা লৈগনি হায়না পানরবদি, মদুবু প্লান্ট এমর্জেন্সি অমা ওইনা লৌগনি।   এমর্জেন্সি সিচুএসন অমহেক লাকপদা, দিটেক্সন (খংদোকপা), ক্লাসিফিকেসন (কাংলুপ খায়দোকপা), নোটিফিকেসন (খংহনবা) অমসুং মিটিগেসন (হন্থহনবা)গী ওইনা মখাদা পীরিবা প্রোভিজনশীং অসি, লৈবাক অসিদা লৈরিবা ন্যুক্লিয়র ফেসিলিটিশীংদা হান্ননা লৈরে:

• এমর্জেন্সি কন্দিসন অমসুং মসিগী মিটিগেসনগী এসেসমেন্ট তৌনবা এমর্জেন্সি ওপরেটিং প্রোসিজরশীং (Emergency operating procedures) শেম্বা।
• প্লান্ট অমসুং সাইট এমর্জেন্সি অমগী ক্লাসিফিকেসনগীদমক ফেসিলিটি-স্পেসিফিক, এবনোর্মেল সিচুএসন অমহেক্তগী প্রি-আইদেন্টিফিকেসন পাংথোকপা।
• এমর্জেন্সিগী মনুংদা, থৌদাং শিন্নরিবা ফঙ্কসনরি পুম্নমক্কী থবকশীং তাক্লিবা ফেসিলিটি-স্পেসিফিক, এপ্রুভ তৌরবা ন্যুক্লিয়র এমর্জেন্সি রেস্পোন্স প্লানশীং শেম্বা।
• এমর্জেন্সি সাইরেন খোংদুনা অমসুং এমর্জেন্সি এনাউন্সমেন্ট অমা পীদুনা প্লান্টতা থবক তৌরিবা মীওইশীংবু এলর্ট পীবা।
• ফেসিলিটিদা লৈরিবা এমর্জেন্সি রেস্পোন্স ওর্গানাইজেসনশীং, দিষ্ট্রিক্ট অমসুং ষ্টেট ওথোরিটিশীং, DAEগী CMG অমসুং সেন্ত্রেল গবর্ণমেন্টকী ওথোরিটিশীংদা নোটিফিকেসন অমা পীখিনবগী মতিক চাবা পাম্বৈ লৈবা।
• প্লান্টতা থবক তৌরিবা মীওইশীং অমসুং কেজুএল ভিজিটরশীংবু মশীং থীদোক্নবগী মশক খংদোক্লবা এসেমব্লি লোকেসনশীং লৈবা, অমসুং রেদিওলোজিকেল এরিয়াশীংদা পন্দুনা লৈরিবা (trapped) মীওইশীংগী এসেসমেন্ট পাংথোকপা।
• রেস্ক্যু টিমশীং শেম্বা অমসুং ট্রিটমেন্ট এরিয়া অমসুং দিকন্টামিনেসন সেন্টর অমা এক্টিভেট তৌবা।
• প্লান্ট, অমসুং প্লান্ট অদুগী মপান অমসুং সাইট বাউন্দরিশীংগী অকোয়বদা রেদিএসন সর্ভে পাংথোকপা।
• অশিৎপা নুংশিৎকী খোংজেল, অশিৎপা নুংশিৎকী মায়কৈ অমসুং ন্যুক্লিয়র ফেসিলিটি অদুগী অকোয়বদা লৈবা শোকহল্লবা সেক্টরগী এসেসমেন্ট পাংথোকপা।
• মথৌ তারকপা মতমদা, ন্যুক্লিয়র ফেসিলিটিনা মদুগী লৈফমদা এম্বুলেন্স অমসুং পেরামেদিকেল ষ্টাফকী সর্ভিসশীং লৌবা ঙম্বা তাই।
• ন্যুক্লিয়র এমর্জেন্সি অমবু হেন্দল তৌনবগী খুৎশু-খুৎলাই অমসুং মেটরিএলশীং ন্যুক্লিয়র ফেসিলিটি অমসুং ERCগী দেজিগনেটেদ প্লেস (designated place) অমদা থমগদবনি।

ওন-সাইট (থবক মফমদা থোকপা) এমর্জেন্সিশীং হেন্দল তৌবা

• শোয়বদগী (accidental) রেদিওএক্টিভিটি থাদোরকপগী থৌওং নত্ত্রগা প্লান্ট অদুগী মপান ফাউবা, অদুবু সাইট বাউন্দরিগী মনুংদদি নৈশিল্লগা লৈবা, থাদোরকপা য়াবগী ওইথোকপা অমা লৈরকপা মতমদা, সাইট এমর্জেন্সি কন্দিসন অমা লৈরে হায়না লৌগনি। প্লান্ট এমর্জেন্সি অমদা এপ্লিকেবল ওইবা প্রোভিজন পুম্নমক্কী মথক্তা, মখাদা পীরিবা অহেনবা প্রোভিজনশীং অসি লৈহনবা তাই:
• ন্যুক্লিয়র ফেসিলিটি অদুগী সাইট বাউন্দরি মনুংদা লৈবা রেদিওলোজিকেল কন্দিসনশীংগী এসেসমেন্ট অমা পাংথোক্নবগীদমক পাক-চাউবা রেদিওলোজিকেল সর্ভে পাংথোকপা।
• করিগুম্বা ফিভমনা মথৌ তাহল্লবদি, প্লান্টতা থবক তৌরিবা মীওইশীংদা লায়না চংদনবা হিদাক কাপ্পগী (prophylaxis) খুদোংচাবা অদু এসেমব্লি এরিয়া পুম্নমক্তা ফংহনবা।
• করিগুম্বা মথৌ তারবদি, প্লান্টতা থবক তৌরিবা মীওইশীংবু মফম হোংদোকখিনবগীদমক ফেসিলিটি/ সাইট অদুগী মনুংদা লৈবা তেম্পরেরি শেলটরশীং মশক খংদোকপা।
• প্লান্টতা থবক তৌবা মীওইশীংবু সাইট অদুদগী খরা হেন্না শাফবা মফমদা পুথোকখিনবগীদমক মশীং য়াম্লবা গারিশীং (fleet of vehicles) ফংনবগী থৌরাং লৈবা।
• সাইট অদু থাদোক্তুনা চৎলিবা মীওইশীং/ গারিশীংবু কন্টামিনেট (contaminate) ওইব্রা হায়বদু চেক তৌনবা ফিক্স তৌরবা অমসুং পুথোক-পুশীন য়াবা কন্টামিনেসন মোণিটরশীং থম্বগী প্রোভিজন।
• রেদিওএক্টিভিটি থাদোরকপদুনা, মীয়াম তাবা মফমশীংদা (public domain) শন্দোকখিবা য়াই হায়বগী চিংনবা লৈবা মতমদা, মীয়াম তাবা মফমদা পাংথোক্কদবা এমর্জেন্সি ওপরেসনশীংগীদমক ষ্টেন্দবাই (standby) ওইনা লৈনবা মরি লৈনবা দিষ্ট্রিক্ট ওথোরিটিশীংবু এলর্ট তৌবা।
• অকোয়রোনবু EPZ (প্লান্ট অদুগী কিমি 16গী রেদিয়সতা)দা রেদিওলোজিকেল মোণিটর তৌবা।

ওফ-সাইট (থবক মফমগী মপান্দা থোকপা) এমর্জেন্সিশীং হেন্দল তৌবা

পব্লিক দোমেনদা (মীয়াম তাবা মফমদা) কন্ত্রোল তৌদবা মওংদা  রেদিওএক্টিভিটি থাদোরকপগী ওইথোকপা লৈরে হায়না খংলকপগা, এমর্জেন্সি রেস্পোন্স ওপরেসনশীংগীদমক ষ্টেন্দবাই ওইনা লৈবীনবা মরি লৈনবা দিষ্ট্রিক্ট ওথোরিটিশীংদা খংহল্লি। প্লান্ট এমর্জেন্সি অমসুং সাইট এমর্জেন্সিদা এপ্লিকেবল ওইবা প্রোভিজন পুম্নমক্কী মথক্তা, মখাদা পীরিবা অহেনবা প্রোভিজনশীং অসি, পব্লিক দোমেইনদা লাকপা ন্যুক্লিয়র এমর্জেন্সি অমা হেন্দল তৌনবগীদমক শোয়দনা লৈবা তাই:

• পব্লিক দোমেইনদা এমর্জেন্সি অমা লৈহল্লকপা য়াবা প্লান্ট কন্দিসনশীং মশক খংদোকপা।
• সাইট বাউন্দরি অমসুং পব্লিক দোমেইনদা লৈবা রেদিওলোজিকেল ষ্টেটসকী এসেসমেন্ট অমা পাংথোকপা।

NPP অমদা লৈবা ওফ-সাইট এমর্জেন্সি কন্দিসন অমা হেন্দল তৌনবগীদমক্তা, মরি লৈনবা দিষ্ট্রিক্ট অদুগী দিষ্ট্রিক্ট মেজিষ্ট্রেটনা লুচিংবা অমসুং দিষ্ট্রিক্ট অদুদা লৈবা এমর্জেন্সি মেনেজমেন্টগা মরি লৈনবা পব্লিক সর্ভিস দিপার্টমেন্ট পুম্নমক্কী মকোকশীং অমসুং টেক্নিকেল এদভাইসকীদমক ন্যুক্লিয়র ফেসিলিটি অদুগী সাইট এমর্জেন্সি কমিটিগী মকোক অদুসু য়াউবা দিষ্ট্রিক্ট সব-কমিটি অমনা সপোর্ট তৌবা, ওফ-সাইট এমর্জেন্সি কমিটি অমা লৈগনি। কমিটি অসিনা সাইট বাউন্ডরিগী মপান্দা লৈবা ন্যুক্লিয়র এমর্জেন্সি অমা হেন্দল তৌবগা মরি লৈনবা ফিরেপশীং লৌই অমসুং লো অমসুং ওর্দর অমদি সিভিল এমেনিটিশীং য়াউনা, শেলটর পীবা, লায়না চংদনবা হিদাক কাপ্পা অমদি ইভাক্যুএসন অমসুং রিসেটলমেন্ট অসিনচিংবা কাউন্টর মিজরশীং ইমপ্লিমেন্ট তৌবগী থবক লৌখৎলি। ওফ-সাইট এমর্জেন্সি অমা হেন্দল তৌবগা মরি লৈনবা থবক-থৌরম পুম্নমক, ন্যুক্লিয়র ফেসিলিটি অদুগী বাউন্দরিগী মপান্দা লৈবা প্রি-দেজিগনেটেদ এমর্জেন্সি রেস্পোন্স সেন্টর অমদগী গাইদ অমসুং কোওর্দিনেট তৌই। দিষ্ট্রিক্ট অদুগী ইনফোর্মেসন অমসুং ব্রোডকাষ্টিং দিপার্টমেন্টনা, ওথোরাইজ তৌরবা ইনফোর্মেসন ওফিসর অমগা লোয়নদুনা, মীয়ামদা অৱাবা-অকিবা হন্থহন্নবা অমসুং তোকঙা শন্দোকপা থীংনবা, মিদিয়াদা ইনফোর্মেসন লেপ্তনা ফংহনবগী থবক তৌই।

তৌগদবশীং

• ইমুংদা চংউ। মনুংদা লৈয়ু।
• নহাক্কী লোকেল ওথোরিটিদগী পব্লিক এনাউন্সমেন্টশীং খংনবগীদমক, রেদিও/ টেলিভিজন থাগৎলু।
• থোং/ থোংনাউশীং থীংজিল্লু।
• চানবা চিঞ্জাক, ঈশীং লোয়নমক মখুম কুপশিল্লু অমসুং অসিগুম্বা মখুম কুপশিল্লবা আইটেমশীংখক চাউ-থকউ।
• করিগুম্বা অহাংবদা চৎপা তারবদি, নহাক্কী মায় অমসুং হকচাংদু অচোৎপা হেন্দকরচিফ (রুমাল), টাউৱেল, ফৈজোম নত্ত্রগা সারিনা কুপশিল্লু। য়ুমদা হল্লক্লবদি, ফি-রোল লৌথোকউ/ হোংদোকউ। মপুংফানা ইরুজথোকউ অমসুং অনৌবা ফি-রোল হোংদোকউ।
• লোকেল ওথোরিটিশীংদা মপুংফাবা কোওপরেসন পীয়ু অমসুং মখোয়গী ইনষ্ট্রক্সনশীং, হায়বদি হিদাক-লাংথক চাবা, ইভাক্যুএসন অসিনচিংবশীং মপুং ফানা ইনগদবনি।
• নহাক্না ন্যুক্লিয়র রেদিএসন হেজার্দ (nuclear radiation hazard)কী মরমদা শোয়দনা খংলম্লগনি। অঙাংশীং অমসুং ইমুংগী মীওইশীংগা, রেদিএসনগী মতাংদা মখোয়গী অকিবা হন্থহন্নবা ৱারি-ৱাতাই তৌ।

তৌরোইদবশীং

• কিগনু/ পাখৎকনু।
• মীওই অমগী মচিন্দা অতোপ্পা অমদা শন্দোরকপা তোকঙাশীংদা থাজগনু।
• য়ুমগী মপান্দা লৈগনু/ নত্ত্রগা মপান্দা চৎকনু।
• য়ারিবমখৈ, মখুম খুমদবা গুহা/ পুখ্রিদগী ঈশীং থক্কনু; মপান্দা হৌরিবা মহৈ-মরোং অমসুং মনা-মশীং চাগনু; মপান্দগী লৌরকপা চিঞ্জাক, ঈশীং নত্ত্রগা শঙ্গোম চা-থক্কনু।
• নহাক, নহাক্কী ফেমিলি অমসুং প্রোপর্টিগী সেফটিগীদমক মখোয়গী ঙমজবী থাক্তা মথৌ তৌরিবা, দিষ্ট্রিক্ট নত্ত্রগা সিভিল দিফেন্স ওথোরিটিশীংনা পীবা ইনষ্ট্রক্সন অমত্তা ইন্দবা তৌগনু।

সোর্স: নেসনেল দিজাষ্টর মেনেজমেন্ট ওথোরিটি (NDMA), গবর্ণমেন্ট ওফ ইন্দিয়া