জিবন প্রমাণ
জিবন প্রমাণ অসি পেন্সনরশীংগী ওইবা বাইওমেত্রিক এনবল দিজিটেল সর্ভিস অমনি। সেন্ত্রেল গবর্নমেন্ট, ষ্টেট গবর্নমেন্ট নত্ত্রগা অতৈ গবর্নমেন্টকী ওর্গানাইজেসন অমহেক্তগী পেন্সনরশীংনা ফেসিলিটি অসিগী কান্নবা লৌবা য়াই। স্কিম অসি ইং 2014গী নবভেম্বরগী তাং 10দা হৌদোকখিবনি। স্কিম অসিগী বেনিফিসরিশীং অসি গবর্নমেন্ট অমসুং PSUশীংগী রিটায়ার্দ ইমপ্লোয়ি ক্রোর অমগী মথক্তনি।
পেন্সনরশীংনা মখোয়গী সর্ভিসতগী রিটায়ার্দ তৌরবা মতুংদা য়াম্না মরুওইবা মথৌ তাবশীংগী মনুংদা, পেন্সন য়েন্থোকপগী ওথোরাইজ তৌরবা এজেন্সিশীং হায়বদি বেঙ্কশীং, পোষ্ট ওফিসনচিংবা অসিদা, মখোয়গী পেন্সন অদু মখোয়গী একাউন্টতা ক্রেদিট তৌহন্নবগীদমক লাইফ সর্টিফিকেটশীং পীশিনবা হায়বসিসু অমনি। লাইফ সর্টিফিকেট লৌনবগীদমক পেন্সন ফংলিবা মীওই অদুনা পেন্সন দিসবর্সিং এজেন্সিগী মমাংদা মশা চৎপা নত্ত্রগা মখোয়না থবক তৌরম্বা মফমদুগী ওথোরিটি অদুনা লাইফ সর্টিফিকেট পীহনবা অমসুং মদু দিসবর্সিং এজেন্সি অদু পীশিনবা হায়বসি মথৌ তাই।
জিবন প্রমাণ শিজিন্নদুনা, পেন্সনর অমনা চহি খুদিংগী পেন্সন চাং নাইনা ফংনবগীদমক্তা মশামক হকথেংননা চৎপগী মথৌ তাবা নত্ত্রগা মরি লৈনবা ওথোরিটিনা ইসু তৌবা লাইফ সর্টিফিকেট অমা পীশিনবগী মথৌ তাবদুগী মহুত্তা, হৌজিক্তি মহাক হিংবগী/ লৈবগী প্রমাণ অসি দিজিটেল ওইনা ওথোরিটিশীংদা পীশীনবা য়ারে।
মসিনা মতৌ করম্না থবক পাংথোকপগে
জিবন প্রমাণনা পেন্সনরগী বাইওমেত্রিক ওথেন্টিকেসনগীদমক্তা আধার প্লেটফোর্ম শিজিন্নৈ। মায়পাক্না পাংথোক্লবা ওথেন্টিকেসন অমনা দিজিটেল লাইফ সর্টিফিকেট অদু জেনেরেট তৌই অমসুং মদু লাইফ সর্টিফিকেট রিপোজিটরিদা ষ্টোর তৌই। পেন্সন দিসবর্সিং এজেন্সিশীংনা সর্টিফিকেট অসি ওন-লাইন ওইনা এক্সেস তৌবা য়াগনি।
প্রোসেস অসি পাংথোক্নবগী খোংথাংশীং অদু মখাদা পীরি।
- নশামকপু এনরোল তৌশিল্লু : নশামকপু রেজিষ্টর তৌশিন্নবগীদমক্তা PC/ মোবাইল এপ্লিকেসন অদু দাউনলোদ তৌ নত্ত্রগা খ্বাইদগী মনাক নকপা জিবন প্রমাণ সেন্টরদা চৎলু। আধার নম্বর, পেন্সন পেমেন্ট ওর্দর নম্বর, বেঙ্ক একাউন্ট নম্বর, বেঙ্ক মমীং অমসুং নহাক্কী মোবাইল নম্বরনচিংবা মথৌ তাবা ইনফোর্মেসন পীয়ু।
- আধার ওথেন্টিকেসন : নহাক্কি বাইওমেত্রিক্স, ফিঙ্গর প্রিন্ট নত্ত্রগা আইরিস অনিগী মরক্তা অমা পীয়ু অমসুং নশামকপু ওথেন্টিকেট তৌরো। (জিবন প্রমাণনা ওন-লাইন বাইওমেত্রিক ওথেন্টিকেসনগীদমক্তা আধার প্লেটফোর্ম শিজিন্নৈ)
- লাইফ সর্টিফিকেট : মায়পাকপা ওথেন্টিকেসন অমা পাংথোকখ্রবগী মতুংদা নহাক্কী মোবাইল নম্বরদা SMS একনোলেজমেন্ট অমা নহাক্কী জিবন প্রমাণ সর্টিফিকেট ID অদু য়াউনা থাগনি। সর্টিফিকেটশীং অসি মফম অমসুং মতম অমহেক্তদা পেন্সনর অমসুং পেন্সন দিসবর্সিং এজেন্সি অদুনা ফংবা য়ানবগীদমক লাইফ সর্টিফিকেট রিপোজিটরিদা ষ্টোর তৌদুনা থমগনি। পেন্সনর অদুনা মহাক্কী জিবন প্রমাণ অদু জিবন প্রমাণ পোর্টেলদগী ওনলাইন রেজিষ্ট্রেসনগী খুত্থাংদা জেনেরেট তৌরে হায়বদু বেঙ্কতা খংহনবা তাই।
- নহাক্কী সর্টিফিকেট অদু এক্সেস তৌ : নহাক্না সর্টিফিকেট অদুগী PDF কোপি অমা জিবন প্রমাণ ৱেবসাইত্তগী, জিবন প্রমাণ ID নত্ত্রগা আধার নম্বর পীদুনা লৌবা য়াগনি।
জিবন প্রমাণগীদমক্তা রেজিষ্টর তৌবা
জিবন প্রমান অমা ফংনবগীদমক্তা রেজিষ্টর তৌনবগী লম্বী অহুম লৈ।
- নহাক্কী খ্বাইদগী নকপা কমন সর্ভিস (CSC) সেন্টরদা চৎলু অমসুং CSC সর্ভিস শিজিন্নদুনা ওনলাইন ওইনা রেজিষ্টর তৌ অমসুং মসিগীদমক্তা নহাক্না শেল খরা মমীংগী ওইনা পীবা তাই। জিবন প্রমাণ সেন্টর অমগী মফম খংদোক্নবগীদমক, মফমসিদা ক্লিক তৌবীয়ু। নহাক্না JPL ইরগা 7738299899দা SMSসু থাবা য়াই অমসুং নহাক্কী পিনকোদগী মনাক নকপা জিবন প্রমান সেন্টরগী লিষ্ট ফংবা য়াগনি।
- দেজিগনেটেদ ওফিস অমদা চৎলু অমসুং নশামকপু রেজিষ্টর তৌশিল্লু।
- এপ্লিকেসন অদু দাউনলোদ তৌ অমসুং নহাক্কী এন্দ্রোইদ বেজ স্মার্ট ফোন/ টেব্লেট নত্ত্রগা ৱিন্দোজ PC/ লেপটোপতা ইনষ্টোল তৌ অমসুং নশামকপু রেজিষ্টর তৌশিল্লু (ক্লাইএন্ট সোফ্টৱায়র অদুনা বাইওমেত্রিক ফিঙ্গরপ্রিন্ট/ আইরিস স্কেনর দিভাইস অমগী মথৌ তাগনি)। এপ্লিকেসন অদু দাউনলোদ তৌনবগীদমক্তা, মফমসিদা ক্লিক তৌবীয়ু । করিগুম্বা নহাক্না সপোর্ট মথৌ তারবদি চানবীদুনা ঐখোয়গী হেল্প দেস্ক jeevanpramaan@gov.in দা কন্টেক্ট তৌবীয়ু।
মরি লৈনবা রিসোর্সশীং
সোর্স: জিবন প্রমাণ ৱেবসাইট
অকোনবা শেমদোকখিবা : 6/10/2020
