থবক্তগী পোত্থারবা সরকারগী কর্মচারিশীংগীদমক্তা পায়খৎপা অনুভব প্লেটফোর্ম
থবক্তগী পোত্থারবা সরকারগী কর্মচারিশীংগীদমক্তা পায়খৎপা অনুভব প্লেটফোর্ম
‘অনুভব’ হায়বসি থবক্তগী পোত্থারগদবা কর্মচারিশীংনা পাংথোকখিবা থাগৎপদা মতিক চাবা থবকশীং সবমিট তৌবা অমসুং উৎপা য়াহনগদবা ওনলাইন ইনিসিএটিভ অমনি। অহৌবদা ফেসিলিটি অসি থবক্তগী পোত্থাগদৌরিবা সেন্ত্রেল গবর্নমেন্টকী কর্মচারিশীংখক্তদা ফংহল্লম্মী। মসি দিপার্টমেন্ট ওফ পেন্সনস এন্ড পেন্সনরস ৱেলফেয়র, মিনিষ্ট্রি ওফ পর্সোনেল, পব্লিক গ্রিভান্সেস এন্ড পেন্সনস, অমসুং ভারত সরকারনা লৌখৎপা খোংথাং অমনি।
ভিজন অমসুং মিসন
থবক্তগী পোত্থাগদৌরবা সেন্ত্রেল গবর্ণমেন্টগী কর্মচারিশীংদা, মখোয়গী সর্ভিস মতমদা পাংথোকখিবা শীংথানিঙাই ওইবা থবকশীংবু উত্থোকপা ঙমহন্নবা প্লেটফোর্ম অমা পীবা হায়বসিনি। মসিনা থবক্তগী পোত্থাগদৌরবা কর্মচারি অদুদা অপেনবা পীবতা নত্তনা থবক তৌরিবা কর্মচারিশীংদসু পুক্নিং থৌগৎকনি। মসিনা থবক্তগী পোত্থাগদৌরিবা কর্মচারশীং অদুনা থবক্তগী পোত্থারবা মতুংদা জাতি অসিবু শেমগৎপদা মখোয়গী ভোলুন্টরি কন্ত্রিব্যুসনশীং পীহন্নবগীদমক মখোয়দগী রিসোর্সশীং খোমজিন্নবগী মরুওইবা তঞ্জা অমা পীগনি।
ফ্রেমৱার্ক/ মোদেলিটিশীং
কোভরেজ
- অহৌবগী ওইনদি ফেসিলিটি অসি থবক্তগী পোত্থাগদৌরবা সেন্ত্রেল গবর্নমেন্টকী কর্মচারিশীংখক্তদা পীগনি। মথং থা 6 ফাউবদা পোত্থগদৌরবা কর্মচারিশীংদা মখোয়গী এচিভমেন্টশীং সবমিট তৌনবা ওনলাইন ফেসিলিটি অমা পীবা য়াই।
- সবমিসন অদু ভোলুন্টরি ওইগনি।
প্রোসিদ্যুওর
- থবক্তগী পোত্থাগদৌরবা কর্মচারি অদুনা ৱাহৈ 5000দগী হেন্দবা অশম্বা ৱারোল অমা ইদুনা, করিগুম্বা মথৌ তারবদি চুনবা এটেচমেন্টশীংগা লোয়ননা সবমিট তৌবা য়াই। অশম্বা ৱারোল অদু ফোর্ম 5 (থবক্তগী পোত্থাদ্রিঙৈ থা 6 কী মমাংদা সবমিট তৌবগী মথৌ তারিবা পেন্সন এপ্লিকেসন ফোর্ম) পীশীনবা মতমদা সবমিট তৌবা য়াই।
- অইবা অশম্বা ৱারোল অদু সবমিট তৌনবগী ওনলাইন লিঙ্ক অদুদি অসিনি। কর্মচারিশীংনা ওনলাইনদা সবমিট তৌবগী মহুত্তা চে-চাংশীং (hardcopies) ওইনা সবমিট তৌবসু য়াগনি।
- মায়পাকপা থৌশিল অয়াম্বদি অপুনবা টিম অদুগী কন্ত্রিব্যুসনশীং লৈগদবা মরম্না, থবক্তগী পোত্থাগদৌরবা মীওইশীং অদুনা টিম অদুগী অতৈ মীওইশীং অদুগী মমীংশীং অদু অইবা অশম্বা ৱারোল অদুদা পনবা য়াই।
- ধর্মদা, নুপা-নুপীদা য়ুম্ফম ওইবা নত্ত্রগা জাতি-কাংলুপ্তা য়ুম্ফম ওইবা কমেন্টশীংদি অয়াবা পীদে।
- কমেন্টশীং অদুদা কাংলুপকী নুংশিনবদা কায়হনবা য়াবা নত্ত্রগা জাতিগী স্বার্থগী মায়োক্তা লৈবা মচাকশীং য়াউরোইদবনি। মখোয়না সেন্সিটিভ নত্ত্রগা অরোনবা ইনফোর্মেসন অমত্তা তাকথোক্লোইদবনি। ইনপুট অদু হেদ ওফ ওফিসনা চেক তৌগনি অমসুং মসিগী ফল অদু হিরম অসিগী থৌদাং শিন্নরবা এদমিনিষ্ট্রেটিভ হেদ/ ওথোরিটি অদুদা, সবমিসন অদু ফোর্মেটকী মতুং ইল্লে হায়বদু খংহন্নবগীদমক পীশিনগনি।
- থবক্তগী পোত্থারবা কর্মচারি অদুনা সবমিট তৌরকপা অইবা অশম্বা ৱারোল অদু মরি লৈনবা ওর্গানাইজেসন অদুনা পাংথোকফম থোকপা ভেরিফিকেসন অদু তৌরবা মতুংদা সবমিট তৌগনি।
- থবক অসি থবক্তগী পোত্থাদ্রিঙৈ থা অমগী মমাংদা লোইশিনগনি অমসুং ফল অদু মরি লৈনবা দিপার্টমেন্টকী ৱেবসাইত্তা অপলোদ তৌগনি।
- ওল ইন্দিয়া সর্ভিস পায়দবা কর্মচারিনা পীবা কমেন্টশীং অদু থবক্তগী পোত্থারিবা কর্মচারি অদুগী মিনিষ্ট্রি/ দিপার্টমেন্টকী ৱেবসাইট অদুদা য়াউহনগনি অমসুং কেদর কন্ত্রোলিং ওথোরিটিগী ৱেবসাইট অদুনা লিঙ্ক অমা পীবা য়াই।
- ওল ইন্দিয়া সর্ভিস পায়দবা কর্মচারিগী ওইনদি, কমেন্টশীং অদু কেদর কন্ত্রোলিং ওথোরিটিগী ৱেবসাইত্তা য়াউহনবা য়াই অমসুং মখোয়না লৈরম্বা কেদর অদুগী ষ্টেটশীংগী ৱেবসাইটতা য়াউহনবা য়াই।
- দিপার্টমেন্ট ওফ পেন্সন এন্ড পেন্সনরস ৱেলফেয়রনা দেটা অমসুং ইনফোর্মেসন অদু অমগা অমগা চুংশিন্নগনি অমসুং চাংদম্নদুনা য়েংশিনগনি।
সোর্স: অনুভব পোর্টেল
মরি লৈনবা রিসোর্সশীং
- অনুভব পটেলগী য়ুজর মেন্যুএল
অকোনবা শেমদোকখিবা : 6/14/2020
